利豐小廚 @ 黃大仙 ( 1-AUG-2015 )

豉椒炒蜆 ( 加辣 ) - 好大碟呀   擺到成隻船咁   哈哈   加咗辣真係超級好味   但辣到我死死下呀   一路食一路流汗   差唔多隻隻都有蜆肉   勁正呀

佢話要食菠蘿生炒骨呀

睇食評好多人都話好好味   但其實真係唔覺囉

煎蠔餅

蠔仔幾大粒   不過得好少蠔仔 

啤酒唔少得   今晚飲咗半杯   因為啲豉椒炒蜆好辣   我又唔想飲汽水   咁唯有幫手飲啖酒啦

  

如果飲 1 支   好似佢瞓低都似

我哋對住呢度食嘢   右手邊師傅"北" 緊滷水拚盤

                                     

一開對門就好鬼熱呢

                                    

好多凍魚放喺枱度

                                 

我以為真係有支啤酒喺枱呢   哈哈

咁多箱啤酒   即刻諗起冰姑

( 1-AUG-2015  SAT )

尋日係最後一日嘅禁食祈禱   可以食番紅肉喇   今朝約咗 8 卦行遠少少食早餐   估唔到又無遲到喎 ~

食咗第一啖麵之後覺得好脹胃   真係好辛苦先食得哂   同埋我食唔落煎蛋同牛油多士   所以比埋 8 卦   好在佢唔嘥嘢

菇場又忙喎   不過唔做住喇   同埋 8 卦又係咁同我呻做嘢點點點   佢話只係敢同我呻咋   唔會同其他同事講   咁我都聽啦   要安慰下佢嘛   佢又咁信我   無理由唔理佢啦   哈哈 ~

里奧大人知我呢排好攰   想我喺屋企抖   但我反而想出去抖抖氣   諗住去西貢   不過又好似去咗幾次   無咩地方行   所以我話不如晏畫留喺屋企抖下嘢   夜晚先出去黃大仙食嘢呢 ~

放工即番屋企   里奧大人原來頭先熨咗 4 機衫呀   佢知我攰   係都要熨   但其實我都想熨嘅   我都唔想佢咁辛苦嘛 ~   

呢排成日頭暈暈   都唔知係咪又作傷風   所以我話要食麻辣米線   驅哂啲風出嚟   哈哈 ~

    
食完就行陣商場   拎埋 Headphone 去整就番屋企喇 ~

因為里奧大人話上次朋友同佢講   話大排檔 6 點半已經 Full 哂   所以我哋 5 點半出門口喇 ~

去到利豐   原來唔係里奧大人同朋友食嗰間呢   不過都試下啦   最搞嘢係我上網睇食評   以為呢間就係里奧大人食嗰間添 ~

同金 Mo 影下相先

下次買條裙比佢着先   哈哈

食完都只係 7 點幾   咁實在勁飽   所以行埋黃大仙中心喇  ~   

估唔到里奧大人買咗 2 本薄同 2 個 post-in   我就買咗把摺嘅撥扇比工人   CC 話呢啲撥扇先涼   我試下啦   真係涼好多喎 ~

行下行下   我又買咗 2 條 One Piece   原來都 8 點幾喇   係時候番屋企喇   因為想徑步呢 ~


我同里奧大人講   話一條條蛋卷整得好好味咁   咁多顏色   之後再睇清楚   原來係電髮筒嚟嘅

諗住徑 15 分鐘   徑下徑下都徑咗半個鐘   其實徑步好舒服   呢排太勞氣喇   係時候要釋放啲負能量出來呀 ~

番到屋企沖埋涼   休息一陣就睇 "急診男女"   實在太好睇喇   又 12 點幾先瞓呢 ~