泡菜水餃白咖哩麵 ( 12-AUG-2015 )

( 12-AUG-2015  WED )

今朝里奧大人上大陸   依家唔駛提佢帶參蜜   因為佢會將個袋放喺背囊出面   Remind 自己拎參蜜   咁就好啦   唔駛我心掛掛記住嘛 ~

自己一個人出門口真係快好多   今朝 7 點 50 分已經可以出門口 lu ~

早餐食菠蘿油   不過成塊牛油無乜點食過   勁掛住家姐   因為佢鍾意食菠蘿油   咁我可以比埋塊牛油比佢   哈哈   點知無耐佢就打嚟 ~

菇場唔忙呀   但整下依樣整下果樣   好快又 Lunch Time 喇 ~

食埋 Lunch Box 就諗住出去   點知食完已經 1 點 05 分   因為呢段時間會有好多人搭 Lift   真係未必入到去囉   同埋同事又話出面勁熱   所以都係唔出喇   哈哈 ~   

諗住 Hea 過   無啦啦又忙咗陣   好在好快搞掂 ~

放工去媽咪屋企   反正都係自己食嘢   所以就去睇下媽咪呢 ~

見媽咪面色都唔錯   工人話今日都有出去做運動   幫佢 Fing 下手咁   之後媽咪自己話食咗麥當勞軟雪糕   咁我話都 OK   但唔可以日日食   同埋我覺得依家媽咪肯食嘢都好㗎   但就一定一定唔可以食西柚 沙田柚同楊桃   腎臟殺手嚟㗎   所以叫工人幫手記住   一定唔可以偷偷買嚟食呢 ~

之前勁想食魚同牛肉   咁啱 Fat Fat 今日探媽咪   買咗魚同牛肉   咁就益哂我喇   哈哈   我實在太無記性   我話留番啲牛肉比媽咪   但媽咪話佢唔食得牛肉   姑娘叫媽咪唔好食牛肉嘛   點解我會咁無記性㗎 ~

我覺得好感恩呀   因為之前想整鹹酸菜牛肉   不過又唔識買牛肉   諗住炒豬肉就算   同埋之前想買魚比里奧大人食   但又唔想餐餐鯇魚   依家有牛肉又有煙鯧魚   實在太好喇 ~   

坐到 6 點 45 分就走喇   番到屋企就淥麵食   抖半個鐘就去徑步 ~

今晚由 8 點 15 分徑到 8 點 45 分   依家多數徑半個鐘就夠   因為條街真係好鬼焗   對我嚟講比較辛苦 ~

沖埋涼就食生果   之後就油顏色   里奧大人差唔多 9 點番到屋企   見我油顏色就喺度笑   佢成日覺得我咩都 3 分鐘熱度㗎   不過我都承認嘅   哈哈 ~   

佢換完衫就去徑步   我話快啲徑啦   唔好嘈住我   我要專注油顏色   唔好我油緊嘅時候又要我開門   又同我講嘢   咁我好難專注到   呵呵 ~

佢番到嚟   我仲油緊   佢好愕然啦   之後等佢沖埋涼   拎埋生果比佢食   我就收手喇   因為太專注   所以有啲眼瞓 ~

媽咪話唔食咁多蟠桃   我見工人將啲蟠桃切哂粒粒   我就要啦   咁食法實在太方便喇   哈哈   

睇多陣電視就瞓啦   估唔到已經 11 點半   嚇啦   我想 11 點瞓家嘛 ~