招牌琵琶鴨宴 (美食純玩 2 天團) @ 東莞 DAY 2 (PART 2/2) ( 23-AUG-2015 )

( 23-AUG-2015  SUN ) - PART 2/2

行下睇下都 4 點   因為里奧大人驚我一陣去東門太熱   所以話坐低食啲嘢   吸下冷氣   一陣唔駛咁辛苦呢 ~

4 點飲凍咖啡   算激㗎喇   年紀大嘛   飲完夜晚瞓唔到就慘 lu

極品黑白奶油豬

香辣瑤柱炸醬撈麵配珍珠雲吞   估唔到好味喎

招牌忌廉咖啡   凍似加 RMB3   杯咖啡好香滑呀

5 點去到東門喇   無想像中咁熱   實在太好喇 ~

又周圍行下睇下   今次第一件事係要買橡筋圈呀   我要紮頭髮呀   咁樣無咁熱呢 ~

好感恩比我見到   仲只係 RMB2/Pack

1 Pack 有 3 條   真係超勁抵

唔行入去喇   因為 Feel 到有啲焗

                                  

上次買 10 對   RMB4/對   今次又平咗呀   只係 RMB3/對   所以又買 10 對   再另買 2 對厚少少嘅船襪   不過唔記得幾錢一對

經過 Miniso   見到啲嘢幾吸引   所以入去睇下   估唔到買到啲嘢   最搞笑係里奧大人拎住個脹卜卜嘅袋   差唔多出門口   個職員叫佢開袋   笑死我   唔係以為佢偷嘢嘛   之後佢話佢講廣東話   個職員就叫佢唔駛開袋啦 ~

眼罩同膠樽仔都係 RMB10   橡根就係 RMB5

RMB29   買嚟番工去食 Lunch 用㗎

RMB10   裝哂啲 Mask 入去   超方便

RMB12/條   里奧大人話呢條抹手巾好 Soft 好得意   所以買咗條粉紅色同粉藍色呢

行到 6 點 15 分就去食嘢   但其實食唔落   不過唔想番香港先食囉 ~

龍眼冰 (RMB20)   居然係芬達

                         

香蕉餅 (RMB18)   幾好味喎   但估唔到份量咁多   食剩 1/3   唉

星洲炒米 (RMB25)    食咗一碗仔真係食唔落   所以要打包   知得唔叫啦   哈哈

諗住去百佳買 "尖叫" 番香港飲   但估唔到無 "尖叫"   反而有 100 Plus 呢

因為我同里奧大人講話想住大巴番香港   所以打的去皇崗   好似 RMB28   之後去買飛   我哋係最後嗰幾個   咁坐一陣又要落車過關   咁同里奧大人講話一陣要跑呀   咁就可以一齊坐   點知一上車又係爆哂   原來我哋坐咗前面架車   因為我哋頭先坐嘅車仲未到   哈哈   咁是但啦   快啲番屋企囉 ~

坐大巴舒服好多   同埋快好多

8 點半番到屋企喇   即沖涼呀   之後再執嘢 ~

其實揀呢個團預咗係 Hea   不過里奧大人驚我唔舒服   所以揀個團係可以有多啲時間喺酒店休息   佢真係好好   為咗我   佢自己生日要揀個悶團就我   哈哈 ~

里奧大人無啦啦問我係咪有精神分裂 ?!   話我個人少少嘢可以好開心   但係有少少嘢又可以好唔開心喎   其實我真係無諗過里奧大人咁了解我㗎   因為我成日話佢好唔細心 ~

呢兩日話就話去旅行 Relax 下   但頻頻樸樸其實都幾攰   所以今晚都係 11 點幾就瞓呢 ~