辣汁金菇雜豆炒豚肉 ( 24-MAY-2016 )

( 24-MAY-2016  TUE )

今朝里奧大人上大陸   佢鬧鐘響完   我都即刻瞓番   瞓到 7 點 45 分先起身 ~

早餐食奶醬多   其實好想食濕嘢   不過粉麵真係食唔哂   唔係可以多啲選擇   見有啲人真係日日麵餐米粉餐   我覺得佢地好勁   可以食咁多嘢   但如果我夠瞓   咁我都可以食到嘅 ~

菇場唔忙   所有大粒唔喺度   個個都唔願做嘢住啦   哈哈 ~   

Lunch Time 去幫里奧大人拎;褲去改   突然好想食酸辣米線   所以買番菇場食喇 ~

Admin 同事無啦啦 Skype 問我   係咪唔想比人知道公司會做花牌比媽咪   因為見我 Delete 咗個資料訊息   係咪想低調啲 ?!   大佬   呢啲私人嘢嚟   咁比完妳就梗係要 Delete 啦   一陣我唔記得 Logout Skype   咁人哋一開我電腦   就乜都睇哂啦   同埋佢哋開 Voucher 嘅話   實會經 A/C Dept   但 A/C Dept 嘅人又口疏   所以我其實都唔想要花牌   不過又費事好似好唔比面公司咁   咁我之前都已經話唔想公司同事知㗎啦   依家問完又問   真係好煩囉 ~

突然間好眼瞓   呢排都係咁   起身果下仲想瞓   同埋 3 點幾就想瞓咁 ~

里奧大人 4 點半喺大陸走   不過番到屋企都要 7 點幾   咁我話煮飯啦   反正有時間嘛 ~

放工即番屋企   其實好想瞓陣   但瞓唔到   咁睇電視啦 ~

6 點半開始煮嘢   搞掂哂就沖涼   等埋里奧大人番嚟一齊食   佢 7 點半番到嚟   叫佢快啲換衫   因為我要開機洗衫   真係未坐定就叫佢除定衫   真係搞到佢精神衰弱   哈哈 ~         

是日懶餐 - 辣汁金菇雜豆炒豚肉  

辣汁金菇雜豆炒豚肉 - 依家想盡量清哂所有食物   所以見有乜就煮乜   同埋見啲醬汁好似 8 月到期   所以快快手用埋去呢 ~

搞掂哂就休息喇   今晚有啲攰   10 點半就瞓喇 ~