蠔油燜節瓜冬菇 + 鵝肝醬雞絲炒飯 ( 19-SEP-2016 )

( 19-SEP-2016  MON )

尋晚瞓得都唔錯   但唔知係咪熱氣   好似瞓極唔夠咁   唉 ~

有啲餓呀   所以早餐食吉列魚柳餐   但食唔落奶油豬呀   所以留嚟做 Lunch 呢 ~

菇場忙咗陣就 Hea 喇   大粒唔喺度   爽爆 ~

終於拎咗佢番嚟喇   家姐同事比佢㗎   好在我講話要咋   唔係佢正想掉咗佢呢   家姐叫佢做 "呢隻嘢"   哈哈  

Lunch Time 都唔餓   諗住瞓又瞓唔到   1 點幾先沖杯麥皮   想食啲熱嘢暖下個身 ~

好嘢   仍然 Hea 過   3 點幾再食埋個奶油豬   越放得耐就越難食   所以都係食埋去喇   唉 ~

放工就番屋企   好攰呀   都無 Mood 做家務   只係開機洗衫 ~

里奧大人 6 點半打嚟話晏啲放工   叫我食先   咁我都開始煮嘢喇   反正留比佢嘛   我快煮快食快洗就最好呢 ~

煮完洗埋   再沖埋涼先嘢   我唔太餓   就咁食節瓜加多兩啖飯仔就夠 lu ~

是日懶餐 - 蠔油燜節瓜冬菇 + 鵝肝醬雞絲炒飯

蠔油燜節瓜冬菇 - 清埋 2 個節瓜   本來諗住又滾湯   但無胃口   求其燜咗佢就算喇 ~  

鵝肝醬雞絲炒飯 - 之前喺越南買嘅鵝肝醬   係時間要清㗎喇   仲有 6 罐   好在下年先到期   我初初諗住會好濃味   但其實無咩味囉   又話似食法包嘅鵝肝醬味道   呃人嘅   嗚嗚 ~

里奧大人 7 點幾先放工   等佢食埋   我洗埋碗就休息喇 ~

真係唔明點解啲人   成日對人唔對事   講又唔聽   錯咗就賴人   其實呢啲格真係好不知所謂   點解我身邊咁多人會有咁思想㗎 ?!   好在我唔係呢啲人   要是所有嘢係對人嘅話   根本諗法已經係主觀   對整件事係無幫助   仍都唔需要聽任何人意見   反正你對嘅係人唔係對事   跟住個人行咪得囉   唔需要睇客觀環境同因素呢 ~

雖然唔眼瞓   但 11 點幾都瞓喇   希望有覺好瞓 ~