蜜糖單骨雞翼 + 蕃茄螺絲粉 + 紅莧菜 ( 30-SEP-2016 )

( 30-SEP-2016  FRI )

又星期五喇   聽日就 10 月   時間過得真係快 ~

早餐食腿治   以前唔鍾意食單拚㗎   依家覺得單拼份量啱啱好 ~

菇場忙呀又   忙到都唔知自己講咩   我叫 8 卦幫我整個 Excel 表   我只要睇我要嘅嘢就得   點知我話 "我只係睇唔要嘅嘢"   笑到佢楝眼水呀   哈哈   之後我話其實佢比咗佢個 Excel 表比我   真係幫咗我好多   我話 "你比我差好遠"   佢就特登分開講 "你比我   差好遠"   但我意思係 "你比咗個 Excel 比我   同無比我嘅話   真係差好遠   因為我做少好多嘢呢"   哈哈 ~

Lunch 食燒賣粉果   唔知幾時會食厭呢   哈哈 ~

仍然忙到嘔白泡   真係忙到知做邊樣好 ~

放工即走   忙咗成日   其實真係好在唔駛 OT   唔係真係命都無 ~

去埋 Taste 買嘢就番屋企   拖埋地再開機洗衫   之後熨 2 機衫   勁攰 ~   

里奧大人 7 點 15 分放工   咁我都預備煮飯 lu ~

是日懶餐 - 蜜糖單骨雞翼 + 蕃茄螺絲粉 + 紅莧菜  

蜜糖單骨雞翼 - 其實我想煎㗎   不過真係太攰   所以用光波爐焗就算喇 ~

蕃茄螺絲粉 - 煮完唔想食   之得唔鬼煮咁一大碟啦 ~  

紅莧菜 - 好老呀   下次見咁平都係唔再買喇   又洗餐死   又老   嘥鬼哂 ~

里奧大人話約咗大姑奶聽朝 10 點半食早餐   我話下次唔好假期約佢食早餐啦   麻鬼煩   我想瞓到自然醒家嘛   之後佢話都係差唔多時間起身啫   我即刻話   雖然係差唔多時間起身   但自然醒係唔駛校鬧鐘   但約咗佢食早餐係咪唔駛校鬧鐘呢 ?!   唔好成日將兩樣嘢合埋一齊講囉 ~

洗完碗就抖喇   今晚好攰   都唔出去徑步喇   里奧大人自己出去徑呢 ~

睇埋電視   11 點幾都瞓 ~