住家飯 @ 姑奶屋企 (大埔) ( 14-JAN-2017 )

咖哩牛腩



豉油雞 (外賣)



白切雞



南乳薯仔排骨 - 兒生仔問我呢 "Pat" 係咩嘢嚟 ?!   唔駛睇都知邊個煮啦   哈哈 

烤羊架 - 羶到呢   之前我已經聞到 "酸叔味"   原來係佢

灼什菜



蓮藕湯渣 - 最鍾意係切到細細粒嘅蓮藕呢



芋丸西米露 - 正呀   芋丸好煙韌



 什果沙律 - 佢哋慣咗加練奶去整沙律   其實我覺得甜囉   沙律應該酸咪咪開胃嘢嘛

( 14-JAN-2017  SAT )

今年係第二個星期六 Off   每年轉一次   真係好驚唔記得放   哈哈 ~

10 點自然醒   沖埋涼就去食早餐喇 ~





食完去銀行入數   搞掂哂就去舖頭整電話   我話我難得 Off 嘅節目原來係咁   里奧大人個樣好驚   不過算啦   反正落雨濕濕都無咩地方想去   哈哈 ~

整完就等埋水姑一齊去食下午茶   之後再去衛訊同 Samsung 整嘢   搞掂哂都 4 點半喇 ~

西多士 + 炸雞翼       



水姑叫咗 9 樣餸嘅米線餐   里奧大人問佢食唔食得哂 ?!   佢話實食唔哂   我真係唔明咁叫嚟做咩 ?!   仲話食唔哂唔駛驚   佢星期一晚會食埋去   仲話放喺不鏽綱盒再放冰格   咁放一星期都唔會壞   咁點解唔叫小啲餸呢 ?!   



坐巴士入大埔   去完街市買薑   再去買辣椒腐乳   咁里奧大人順便食碗豆腐花   我話其實碗豆腐花只係滑   都無豆味嘅   我地差唔多食完   聽到隔離個女人食咗一啖又係咁講   但佢聽唔到我講架 ~

再坐小巴去姑奶屋企   6 點唔夠都到 lu   勁眼瞓呀   今日有啲頻樸 ~

7 點半開飯   食下傾下   9 點半走人   同兒生仔+女朋友一齊坐的士去巴士總站   之後坐番巴士去九龍灣   感恩去到即有車   可以 10 點半番到屋企 ~

沖埋涼   睇下電視   又係 12 點先瞓 ~