豉油雞 (外賣) + 粟米蛋花湯 ( 20-JAN-2017 )

( 20-JAN-2017 FRI )

今朝唔係好凍啫   天文台又話急凍   我直頭覺得唔凍添呀 ~

一入到茶餐廳   個侍應向住我嘩一聲   嚇鬼死   以為有咩嘢添   之後話出面係咪閃電 ?!   嗰下都唔知佢講咩   原來佢話我電咗髮   哈哈 ~   

早餐食魚柳包   朝早食炸嘢其實真係好熱氣   但真係好想食 ~



菇場唔忙   咁就好喇 ~

Lunch Time 出去食粥   食完又周圍行下   之後就番菇場 lu ~

諗住 Hea 到放工   點知 5 點先忙   好在快手快腳搞掂咋 ~

放工去買豉油雞同雞蛋   之後即番屋企喇 ~

拖埋地再開機洗衫   里奧大人 7 點半放工   我抖多陣都預備 lu   今晚煮出前一丁算喇 ~

是日懶餐 - 豉油雞 (外賣) + 粟米蛋花湯  

豉油雞 (外賣) - 我買半隻   諗住份量好多   仲諗定埋可以將啲雞絲加落粟米湯   點知原來半隻係好小囉   呵呵 ~

粟米蛋花湯 - 今次用 2 隻蛋   因為唔想擺到過期   寧願快啲清哂去呢 ~

食完飯搞掂哂嘢就沖涼   之後食藍莓   酸到眼開   其實我依家都食到酸嘢   但我食親 Driscoll's 呢個牌子嘅藍莓係好甜嘛   所以好期待   點知好失望 ~

里奧大人幫手熨衫   佢熨到一半   我叫佢快啲沖涼休息啦   等我熨   因為我都諗住沖埋涼之後先熨嘛 ~

11 點即瞓   里奧大人好奇怪點解 Off 會咁早瞓   我話尋晚咁夜番   個人其實都好攰   加上聽日早起   咁咪瞓囉   反正又真係瞓得到   哈哈 ~