住家飯 @ 家姐屋企 ( 22-JAN-2017 )

茄汁蝦碌 - 今次個汁稀咗呀   唔係更好食呢 



髮菜蠔豉冬菇 - 家姐工人話煮比我食㗎   知我上次鍾意食冬菇   我好感恩身邊所有人都好錫我呢 



生菜螺片 - 無咩點食呀   因為已經好飽   



蒸魚 - 工人成隻碟跌咗落鑊入面   所以條魚 "鄧" 到散哂   哈哈   我哋叫佢慢慢啦   又唔急     

炒芥蘭 - 好爽甜呀   正  



新鮮雞 (半隻) - 我覺得半隻都好多   所以我都夾咗幾嚿   加埋冬菇就做埋聽日嘅 Lunch Box



一大碗薑蔥蓉 - 家姐話咁大碗嘅 ?!   之後姐夫出嚟又話咁大碗嘅 ?!   原來家姐同工人講話我好鍾意食   所以整咁大碗   但佢地又無咩點食   咁我話比我帶埋做 Lunch Box  啦   唔好嘥嘛

石斟花旗參 - 我飲半碗咋   我驚花旗參太涼呀  



麻蓉湯丸 - 阿喂尋日介紹㗎   所有買盒比家姐同姑奶試下   都幾好味   好滑呀   同埋個餡唔甜呢


( 22-JAN-2017  SUN )

今朝 9 點半醒咗   但最後都係瞓到 11 點呀   番唔到教會 lu ~

沖埋涼就去食早餐   食完都 12 點幾   咁就過咗半日喇 ~



里奧大人本來要去舖頭幫手兩個鐘   但今晚要去屋企做節   咁又搵唔到姑奶   所以最後都唔去喇   時間太趕呀 ~

開機洗衫又熨埋衫   再沖杯貓屎咖啡   其實過哂期   但仲係好香   所以照飲 ~

搞掂就抖下喇   差唔多 4 點先去食下午茶   其實我可以唔食   但里奧大人就會話可以食啲嘢   咁即係餓啦   哈哈 ~



家姐 6 點車我哋去姑奶屋企放低啲嘢   之後就去家姐屋企 lu ~

真係好鍾意去家姐同阿 mi 屋企   因為真係好乾淨   真係吸啖氣都清爽過人㗎   唔明點解里奧大人屋企人可以咁污糟   救命 ~

7 點幾開始食飯   食完就食湯丸   傾多陣偈   9 點就車我地番屋企喇 ~

沖埋涼就休息   今晚 11 點都瞓 lu ~