Chubby's Pizza (脆味批) (外賣) ( 13-MAY-2018 )

大胃 A 餐 ($168) - 呢個餐係抵食㗎   但間公司名成日轉來轉去   好在我記得有 "大胃" 呢個餐   即係呢間食店喇   哈哈

炸雞 3 件 - 食剩 1 件半   留番聽晚食   但就唔要皮 lu  



原封不動   做聽晚嘅晚餐



( 13-MAY-2018  SUN )

今朝 8 點幾起咗身   又好似幾精神咁   所以諗住執衣柜啦   但拎咗啲衫出嚟之後   又覺得好攰喎   所以又再去瞓番呀   瞓到 10 點都醒 ~

尋晚里奧大人見我喊   所以今日唔會同我番教會啦   唔想我接觸有關母親節嘅嘢   唔知幾時先放得低呢 ~

梳洗之後就去食早餐   食完就去買生果   買咗個金枕頭 ($117.5)   希望細核啦   哈哈 ~





喺佳寶買㗎   榴槤佬話金枕頭係乾包   其實我依家先知佢同青尼嘅分別咋   我呢個係中 Size   兩個人食已經可以食兩晚了

搞掂哂就執衣櫃   歸類番啲衫裙   拎起上嚟都方便好多啦 ~

唉   無啦啦又細細聲飲泣   里奧大人明明做緊公司嘢   都好溫柔咁問做乜事呀 ?!   之後又叫我上 Youtube 睇嘢 ~

執完就清潔廁所   今次真係徹底大清潔呀   搬哂啲嘢再抹乾淨   終於用咗 45 分鐘時間清潔   咁沖埋涼就休息喇   隻手無哂力呀 ~

原來又已經 2 點   我地又唔餓   所以唔食下午茶喇   今晚早啲叫 Pizza 好過 ~

咁開機洗衫   再熨 1 機衫   之後就整沙律 ~



抖陣就執另一個冬天衫嘅衣櫃   搞掂哂就執零食櫃   今日做咁多嘢又唔攰喎   可能啲嘢成日想做好耐   今日終於完成哂   反而係勁開心囉 ~

今日其實體力勞動都大呀   4 點幾開始餓   但點都堅持到 5 點半先叫 Pizza   哈哈   但執到黐咗線   其實屋企咁多零食   我可以食零食家嘛   真係呢 ~

5 點半即叫喇   起碼 6 點半先送嚟   所以我沖涼先喇   勁開心呀   真係好鍾意沖涼完先食嘢   仲要唔駛洗嘢   哈哈 ~

6 點半外賣到   到咗又唔覺好餓 lu   但里奧大人就食得非常之開心滿足啦   好少見佢食得咁快 ~

食完就抖喇    里奧大人就做功課   我就清理下啲文件   入埋 File 就搞掂   咁又用咗 1 個鐘 ~

睇下電視又打下機   差唔多 9 點就食沙律   其實好飽   不過整咗就食啲囉 ~   

上網睇旅行資料   成 12 點先瞓呀 ~