米線陣 @ 官塘 ( 12-NOV-2018 )

呢 Set 指定嘅皇牌套餐係免費   因為之前做咗米線陣會員

我唔太餓   所以叫多個小食就算喇



( 12-NOV-2018  MON )

今朝起身就周身骨痛喇   可能今朝先真正放鬆咗   哈哈 ~

今朝里奧大人打嚟同我講   話尋晚一齊祈完禱之後   唔夠一秒我就瞓到 "Gur Gur" 聲   以為我扮嘢   所以唔理我喎   但我話我真係瞓着咗㗎   因為真係好眼瞓   唔係點會話瞓先喎 ~

差唔多到餐廳   8 卦就叫我   我話不如試新嘢   不過唔會再嚟   因為佢話啲沙爹牛肉好油喎 ~



菇場忙呀   感恩都精神   唔係就慘 ~

里奧大人又 Line 我話唔好意思   頻頻樸樸又同唔到我食片皮鴨   我真係無所謂喎   食唔到咪下次囉   大把機會   但估唔到佢仲成日記住   哈哈 ~

Lunch Time 出去買魚皮餃米   本來想食飯   但唔想行咁遠   因為我遲咗出門口 ~



仍然忙呀   一望個鐘已經 4 點 ~

咁尋晚食剩盒炒飯   但我諗諗下都係唔好食喇   實在太油喇   因為真係粒粒飯都有油   有啲恐怖   真係嘥哂啲嘢添 ~

放工去姑奶屋企拎嘢   順便我再同佢講啲嘢   我覺得真係神嘅安排   因為我好少會幫里奧大人拎嘢   仲要去姑奶屋企添   哈哈 ~

我講完就舒服哂喇   始終有啲嘢真係要搞清楚   唔好以為係你哋一廂情願就係我嘅諗法囉 ~

我依家真係會講出自己感受出來   呢樣好緊要   我做咩要委屈我自己 ?!   同埋唔好成日以為唔出聲就等如妥協   你哋以為真係有咁大影響力咩 ?!   講真   有啲人永遠永遠唔會喺我心目中佔有位置嘅   就算做啲好感動嘅嘢   我都唔會覺感動   事實我有眼見   愛同憎一個人   唔係單靠幾個動作   幾句說話就認定係愛定係憎   而係我自己真係用心感受到   邊啲人值得我去愛囉 ~

傾到 6 點 40 分都走喇   因為里奧大人差唔多到米線陣呢 ~

食完行陣都番屋企休息   沖埋涼睇陣電視   11 點都瞓喇 ~