榮基打冷小菜 @ 官塘 ( 16-NOV-2018 )

窩打牛肉煲仔飯 - 里奧大人知我 11/11 禁食祈禱完畢   所以成日要我食牛肉補血





( 16-NOV-2018  FRI )

感恩一覺瞓天光呀   開心開心   不過今朝嘅天色灰灰暗暗咁 ~    

早餐食奶醬多   因為我真係無咩胃口咁 ~



菇場忙呀   時間過得勁快   真係怪唔得眨眼又一年   哈哈 ~

Lunch time 諗住買雙餸飯   不過舖頭無做喇   咁諗住食粥   又無開   邪到咁嘅   最後我買牛展菜飯番菇場食   因為真係勁想食飯 ~



最鍾意菜飯咁多菜

雖然忙   但差唔多 2 點半開始勁眼瞓   我沖咗杯 3 合 1 咖啡   飲完又好似精神啲   其實我好少一日飲 2 杯咖啡   但上次試過一次咁飲   真係精神啲喎   今次又係咁   不過都唔會再咁飲㗎喇   太唔健康 ~

放工即走   諗住煮飯   點知我坐車嘅時候   晴晴無啦啦話想打個電話比我   咁我都知佢一定有嘢想同我講   所以我都諗住煮唔到飯㗎喇 ~

感恩佢真係好信我   佢第一個就想同我講   因為佢連 Daddy 媽咪都無講   咁我都覺佢唔講好過講   佢哋成日最鍾意未聽哂就乜乜乜   乜到妳都唔想再講落去囉 ~

因為有啲嘢我一定要問里奧大人意見   但我必須要晴晴許可先可以講出來   最搞笑佢話驚父父同佢 Parents 講   我話要是咁樣   我以後唔會同父父傾偈   之後佢仍都強調叫我千其唔可以同佢 Parents 講   我話囉   妳覺得我會唔會同佢哋講先 ?!   佢又好肯定答唔會   哈哈 ~   

佢講完哂所有嘢出來   佢話好開心   我都好開心佢肯同我 Share ~

之後佢話點解只同我講先 ?!   因為佢記得我講過   佢做任何嘢   舅母一定支持   我好感恩佢真係記得我所講嘅嘢   起碼知道   點都會有個人支持佢呢 ~

一傾就傾咗接近 2 個鐘   原來里奧大人已經喺屋企等我   哈哈 ~

我傾完即打比佢啦   佢一定好餓了 ~

食完就即番屋企   沖埋涼再開機洗衫   之後我都休息喇   11 點 15 分都自己瞓先 lu ~