打邊爐 @ 教友屋企 ( 9-NOV-2018 )

2 枱都放唔哂所有食物   但都放唔哂      



今餐食物係教友兩公婆買㗎   好在佢哋有車   唔係咁拎法真係手都斷



蘿蔔栗米湯底   估唔到蘿蔔同栗米都好甜   但我次次都買唔到咁甜嘅   嗚嗚



( 9-NOV-2018  FRI )

今朝里奧大人上工廠見客   所以又 6 點唔夠要起身 lu   感恩我之後都瞓到 7 點 45 分起身呢 ~

早餐食吞拿魚治烘底   尋日見人食吉豬   諗住今朝食   但今朝又唔係咁想食   好熱氣咁   哈哈 ~



菇場又超級勁忙呀   我聽日又 Off   所以今日一定要開行 Turbo 做呀 ~

勁想食飯呀   Lunch Time 一到就飛去買呢   買完番菇場都差唔多 1 點 ~

仍然忙爆 999   好在食飯夠氣力   哈哈 ~

感恩我 4 點幾已經做好哂嘢   咁放工可以即刻走 lu ~

今晚係教會小組聚餐日   所以去教友屋企打邊爐   勁開心啦   想打邊爐好耐了 ~

我去 A-1 買麻糬   之後再去太子餅店買麵包   買 2 送 1 真係好吸引   再去美心買孖寶就搞掂 ~

咁我突然醒起要去萬寧買埋洗頭水   感恩大出位價   其實我本身個袋好輕   因為我拎咗好多嘢出來   點知買完啲嘢之後   覺得個袋好重 ~

約埋 Ivy 兩公婆喺地鐵站等   一齊去姊妹屋企喇 ~

去到我又幫唔到手呀   咁就同姊妹傾下偈   開心開心 ~

睇住隻蝦跳來跳去    



其他弟兄姊妹都陸陸續續上來   仲帶埋好多嘢食   一路食一路傾   食完又同另一姊妹傾偈   真係超級開心   因為其實太耐無一齊聚喇   其中一個係見過幾次   但就好好傾   我覺得同佢好有緣份   因為一開始已經好好傾   同佢傾偈好舒服   所以真係好感恩   我小組成員個個都好好人呢 ~

有沙律又有鹹蛋黃炸魚皮   真係未開餐都食飽   呵呵 



里奧大人差唔多 8 點 20 分先到   無耐另一 Pair 都到埋   可以開餐喇   其實我哋食下傾下都唔覺原來已經 8 點半   哈哈 ~

我仲樣衰啦   里奧大人打來問屋主姓咩   我話姓 x   之後全部人話佢係姓 x 㗎   笑死我呀   但勁唔好意思啦   之後里奧大人話管理員聽佢改完又改   都比佢入嚟   哈哈 ~

人齊就開餐喇   今晚 23 人   勁熱鬧 ~

食下傾下   全程又係咁笑   所以個口真係好攰呀   哈哈 ~   

不過我同里奧大人 10 點要走喇   里奧大人話我好唔捨得   我確係好唔捨得   但聽朝要 5 點幾起身   所以真係必須要走囉   嗚嗚 ~

姊妹自家製杞子桂花糕   好味道呀



番到屋企都 1 0 點半   沖埋涼抖陣都已經 11 點   里奧大人就瞓先   因為佢今朝好早起身   我就 11 點半先瞓   因為仲係興奮狀態當中   唔係咁眼瞓   哈哈 ~