泰式酸辣汁豬肉雞肉餃子 + 出前一丁 ( 25-DEC-2020 )

( 25-DEC-2020  FRI )

今朝瞓到 10 點起身   梳洗之後就睇食早餐 ~

食完就抖陣   沖埋涼就出及去 Megabox ~

今次坐小巴去 Megabox   我同里奧大人分開坐   之後聽到佢問隔離阿婆邊度落車 ?!   阿婆答麥當勞   但工業區無麥當勞   之後阿婆上前坐   我又再問佢喺邊度落車 ?!   佢仍然答麥當勞   司機都好好人   一路諗緊邊度仲有麥當勞   但最近都係得 Megabox ~

最後阿婆都喺總站落車   司機都好好笑容話 Megabox 有麥當勞   再同我哋好開心咁講拜拜   呢個司機真係好好人 ~

同車有對夫婦都問阿婆想去邊 ?!   可惜阿婆仍然答麥當勞   咁我哋係去 Megabox 嘛   所以帶阿婆一齊去囉   我再問佢有無約人 ?!  佢話無呀   之後同車嘅後生女問阿婆係邊間麥當勞 ?!   又話不如搭回頭車   但阿婆係都話去麥當勞   咁我話我哋帶阿婆行啦   後生女話唔該哂我哋   真係好有禮貌   今日好開心呀   成車人都好關心阿婆   個個都好好人呢 ~

帶完阿婆去麥當勞   我哋行去 AEON   好奇怪點解  AEON 無開   即望隻錶已經 11 點半喇喎   唔通開 12 點 ?!   之後見到有張 Memo   原來有推廣員確診 ~

全場 Closed

臨時暫停營業通知

咁去特賣場睇鞋   估唔到里奧大人買到對皮鞋   特價好似 $799   感恩買到呀 ~

之後去 H&M 睇   我買咗 3 件衫同 1 件褸   全部係厚嘅   買咗接近 $500   我話抵好多喇   哈哈 ~

買完坐 Shuttle 去德福   都已經 1 點半   所以食埋 Lunch ~

搭 Shuttle 銀包出來嘟   最搞笑里奧大人又係咁   習慣一上車就嘟八達通嘛   哈哈 ~

車廂好多公仔呀

雖然今日放假   但里奧大人都好忙   最緊要唔駛番公司處理就得喇   哈哈

香茅豬扒冬蔭功金邊粉 ($68) - 呢個好味道

招牌蟹肉炒飯 ($78) - 雖然顏色白雪雪   但其實好夠味   同埋有真嘅蟹肉㗎

酸辣無骨鳳爪 (+$18) - 酸酸辣辣勁正

檸檬可樂 - 原來係罐裝檸檬可樂   但完全無檸檬味嘅

因為我買幾件衫都好厚   個大紙袋又薄   所以都唔出尖沙咀喇 ~

去馬莎買麵包   再去Bershka 買件 Tee   特價 $79 勁抵 ~

買完就去天上野拎旋轉地拖   諗住去 Taste 買晚餐   但入到去勁多人又焗   所以都即走喇 ~

沖埋涼就開機洗衫   之後休息喇   有啲攰   哈哈 ~

6 點半開餐   今晚好懶  就咁煮餃子同出前一丁 ~

洗埋碗就沖涼   今晚睇戲  睇到 10 點半再打機   差唔多 11 點半先瞓 ~