麻辣手撕雞 (外賣) + 招牌餃子 (外賣) + 白菜仔 ( 13-APR-2021 )

( 13-APR-2021  TUE )

感恩一覺瞓天光呀   起身都好精神 ~

里奧大人話今朝食麥當勞早餐   無耐家姐就 Send 張熱香餅早餐比我睇   真係咁啱嘅   佢哋都係去麥當勞食早餐   所以成日好似啲嘢重覆又重覆咁囉   哈哈 ~

早餐食奶醬多   因為夠快   其實差啲都比佢講到想食麥當勞早餐   但我唔想行咁遠咋 ~

菇場忙呀   11 點就搞掂哂   抖陣又到 Lunch Time ~

打比家姐公司問佢嘢   條友扮聲   我真係以為打錯呀   之後我整鬼番佢   話妳叫我 Call 妳喎   佢好驚話係咩 ?!   到佢以為自己又 Send 錯   哈哈   就嚟無人信我講嘢㗎喇 ~

Lunch Time 一到   即出去行 20 分鐘 ~

食到唔知食咩   所以食杯麵   阿齋見到就話又過期呀 ?!   我話頭先新買㗎   哈哈 ~

忙下停下   菇場又好鬼凍   就嚟覺得自己有低溫症喇 ~

放工即走   買埋菜同外賣就番屋企 lu ~

里奧大人 6 點幾番到屋企   咁佢見我好忙咁   佢話唔係就咁淥就食得 ?!   我話水餃係凍水落鑊   菜就係熱水落鑊   係會分開煮呢   之後佢話原來咁煩   以為好簡單添 ~

是日懶餐 - 麻辣手撕雞 (外賣) + 招牌餃子 (外賣) + 白菜仔

麻辣手撕雞 (外賣) - 其實我只係想食雞腳   咁買半隻一定有雞腳嘛   但買哂雞腳又唔想   因為里奧大人唔食   同埋我又覺得食太多好無益咁 ~   

招牌餃子 (外賣) - 我仲好飽   所以留番 8 隻下次食 ~

白菜仔 - 本身買半斤   諗住食兩餐   但原來啲菜唔係咁靚   所以一次過食埋去喇 ~

洗埋碗就即沖涼   抖到 8 點就熨衫 ~

里奧大人 8 點 35 分瞓到 8 點 55 分   我就熨衫 ~

9 點開會   開咗 45 分鐘   都算快喇 ~

呢隻韓國粟米筒   味道辣辣哋   同埋都好脆身   可惜一陣 "格甩底" 味道   嗚嗚嗚嗚   份量又多真係要分幾次先食得哂

今晚睇 1 集 "哲仁王后" 咋   所以 11 點唔夠都瞓 ~