加一碗雜豆 感覺健康啲 因為我懶得再去買菜呀
( 10-APR-2021 SAT )
今朝瞓到 9 點半自然醒 好難得朝早就可以攬住里奧大人 佢話做咩朝早咁痴佢 但平時就咁鬼惡 我話點惡呀 ?! 佢話好似隻野豬咁 哈哈 痴鬼線 ~
痴完一輛就梳洗喇 里奧大人就去買早餐 ~
我食埋之前買嘅芝士包 真係好後悔買 1 Pack 哈哈
食完可以抖陣 里奧大人 12 點半出門口番工 我就等家姐接我 之後再接埋姐夫就出發去新都城 差唔多 1 點半食 Lunch ~
家姐話我塊臉好乾 之後我好驚話死啦咁點呀 ?! 我有搽 Cream 㗎喎 咁佢安慰我話唔駛驚喎 咁我笑啦 之後佢話妳笑起上嚟皺哂皮呀 嘩 我差啲噴水呀 佢自己都忍唔住笑 再話係人笑起上嚟眼尾都有縐紋啦 佢都有 我話唔駛再講 越安慰越恐怖 哈哈 ~
壽司定食 A ($138) - 家姐見到啲蔥就最驚 我話無蔥味㗎 佢話食蔥嘅人實話啲蔥無蔥味 講得好 哈哈哈哈
家姐唔比我食粟米 驚我難消化 佢叫人唔好食但自己又鍾意食 呵呵
迷你牛肉烏冬壽司定食 ($108) - 家姐又話有蔥好驚 但佢知我鍾意食 所以唔會走蔥 咁家姐同同事食粉麵又係唔走蔥 因為佢同事又係鍾意食蔥 咁可以比佢同事 家姐話佢同事多蔥就會擺埋一邊 家姐正常蔥就灑到一碗都係 好鬼難夾喎 呢下好笑
開餐
肥仔同家姐講話如果佢唔駛成日請食飯 會剩番好多錢 家姐話唔知以為佢餐餐食十幾萬 哈哈 不過家姐話肥仔阿媽話一定要對家姐好啲 因為係救命恩人 其實都感動㗎 因為肥仔真係好錫家姐 同埋次次去邊都會問家姐有咩嘢買 ?! 家姐話有次佢入長洲 又問有無嘢買 ?! 咁似我嘅 哈哈 ~
番到屋企 Berry 樸唔停 但唔樸家姐先搞笑 真係好識蝦人 ~
呀 好悶呀
其實佢都會自動比 Hand Hand 不過我都會就咁餵佢
笑得好開心
又八
Berry 食極唔肥 真係羨慕羨慕
兩隻手仔捉住嚟食
成隻駱駝咁樣
食完就同佢散步 咁可以 Join 埋老二一齊行 ~
可能頭先曬呀 Berry 番到嚟好攰咁 所以坐我隔離瞓覺 ~
挨住枕頭
隻手臂好肥咁呀
家姐依家瘋狂睇車銀優 我今朝 Send 條片比佢睇 咁我又睇下係咩啦 點知佢又再睇 ~
我坐喺梳化咁耐 佢係咁睇 Youtube 仲係咁話佢地跳舞好睇 男團喎 點會唔好睇呀 不過佢最勁係無字幕都照睇 仲睇得好開心 ~
我同 Berry 齊齊瞓 只得家姐睇車銀優 哈哈
差唔多 6 點都走喇 家姐問做咩唔等埋里奧大人電話先走 ?! 我話佢起碼 8 點放工 唔會等埋佢電話先走喎 我話妳記錯係星期日先會咁呢 ~
上車又聽車銀優 仲話依家佢 Delete 哂所有中文歌 只係聽女神降臨嗰幾首歌 原來之前里奧大人幫佢 Download 埋 怪不得有得聽啦 ~
番到屋企即大清潔廁所 沖埋涼就等里奧大人電話先預備晚餐 ~
里奧大人 8 點 15 分放工 我都要即刻整晚餐喇 但要 9 點鬆啲先開餐 ~
是日懶餐 - 雞膇拚腸仔 + 涼拌金菇菜 + 自家制麵包
雞膇拚腸仔 - 2 隻雞膇好似好少餸咁 所以加多 3 條香腸 咁今朝食剩薯角又加埋落去 當堂盤滿砵滿咁 哈哈 ~
涼拌金菇菜 - 好想食濃味嘢 咁啱有包千年金菇 咁食埋去喇 ~
自家制麵包 - 今次兩款麵包都好味道 夜晚食包好似食早餐 哈哈 ~
洗埋碗又再沖多次涼 之後休息喇 ~
今晚都唔睇劇喇 睇陣 Youtube 11 點都要瞓 聽日好早起身呢 ~
沒有留言:
發佈留言