酸辣米線 + 肉燥滷蛋雞翼飯 (外賣) ( 16-APR-2021 )

酸辣米線 (牛腩+豬腩片+蘿蔔) ($49) - 一開蓋就聞到陣 "格甩底" 味   好難想像酸辣有呢陣味

肉燥滷蛋雞翼飯 ($48) - 今次覺得好鹹咁呀

( 16-APR-2021  FRI )

雖然尋晚發好多夢   好在都算瞓得好咋 ~

今朝落毛毛雨   所以勁塞車   8 點 45 分先番到菇場呀 ~

早餐食餐蛋治   今朝要食飽啲   因為晏晝食 Flakes   哈哈 ~

的起心肝執 File 柜   一執就執咗 1 個鐘   但未執完   因為執到好熱呀   留番星期一再執 ~

Lunch Time 去買飲品比家姐   番到菇場都 12 點半   要即刻食 Lunch 喇 ~

阿爽以為我好鍾意飲   我話買比家姐咋

忙下又停下   之後又勁忙 ~

菇場 System 啲字好細隻   Print 出來都一樣好細   咁我心急又無 Check   我打咗 Ther 做 The   肥仔豪話佢之前都無為意 Ther   咁即刻同我講話錯咗啦   佢係咁講: "呢個字錯咗   係一直"   駛唔駛強調一直呀   哈哈   佢個語氣好搞笑   但我無可能笑啦   哈哈 ~

做完就抖下   有同事 Whatsapp 車銀優嘅片比我   話只想 Share 比我   因為我唔係個個同事手機號碼都入通訊錄   但我記得阿花鍾意青蛙同綠色   所以問佢係咪阿花 ?!   佢話佢唔係阿花係車太   哈哈哈哈   佢又係鍾意車銀優   所以阿齋話我哋痴痴哋   成日話我哋睇極都唔厭喎   我哋咪話囉   有幾何成日有靚仔睇呀 ?!   仲唔睇番夠本咩   哈哈 ~

今日咩事   8 卦今朝都 Whatsapp 咗啲樣衰 Design 比我睇   仲話諗起衰嘢就第一時間諗起我   佢仲記得我以前成日 Send 個超級勁核突嘅 MSN 公仔   真係講足十年   但個公仔係佢比我嘅 ~

放工即走   買埋外賣就去里奧大人公司喇 ~

一路食一路傾下偈   我話我可以食到 100 隻餃子   如果去台北有得挑戰   我會去參加   里奧大人用好肯定嘅語氣話我無可能食到   我仍都好肯定話我食到   慢慢食咪得囉   之後佢大笑話咁易食到喎   間舖就執啦   哈哈哈哈   笑死我呀   佢又講得啱喎 ~

咁有次同埋家姐一齊睇 "女神降臨"   劇情講朱靜 BB 仔嘅時候   個樣好似男仔   咁我同家姐都話朱靜 BB 樣真係好似男仔喎   里奧大人話搵個男仔 BB 拍家嘛   之後我同家姐喺度大笑話係喎   我哋真係太投入角色喇   哈哈 ~

食完都差唔多 6 點 45 分   要開始幫手做嘢喇 ~

一做就做到 8 點 45 分   感恩搞掂哂 ~

番到屋企都即刻沖涼休息   依家睇愛情公寓 5   都幾好笑   我有次去大陸旅行   喺酒店休息嘅時候   電視播緊 "愛情公寓"   我覺得好好笑   之後即叫里奧大人幫我 Download   不過我好似睇咗第一同第二季   之後無再睇 lu ~

我 11 點左右都瞓   里奧大人就繼續睇 ~