辣汁焗鯖魚 + 榨菜唐生菜 + 自家制麵包 ( 20-APR-2021 )

( 20-APR-2021  TUE )

感恩尋晚瞓得都唔錯   今朝都精神呢 ~

早餐食芝腿治烘底   好味好味 ~

菇場勁忙   一做就做到 Lunch Time ~

行咗半個鐘再買燒賣腸粉番菇場食   其實以前食完先行就最好   但可惜咁早食唔落 ~

忙到痴咗呀   因為我連放 2 日假   好在放工前搞掂哂 ~

放工即走   買埋菜就番屋企 ~

里奧大人今日去稅局   所以 5 點幾都番到嚟   咁我要加快速度煮預備晚餐喇 ~

就咁蒸蒸焗焗都要一個鐘   不過唔駛開鑊就最開心   哈哈 ~

7 點開餐   呢個時間係最好   我成日覺得 6 點幾食飯真係好早呢 ~

是日懶餐 - 辣汁焗鯖魚 + 榨菜唐生菜 +  自家制麵包

辣汁焗鯖魚 - 懶呀   所以又焗鯖魚   好在今朝記得解凍咋 ~   

榨菜唐生菜 - 清埋之前嘅辣榨菜   加埋落唐生菜一齊食都唔錯 ~

自家制麵包 - 今次係朱古力麵包   食咗少少咋   留番聽晚再食 ~

里奧大人話今日叫榴槤入佢房比朱古力比佢   因為我真係指定只係買比榴槤   里奧大人 Whatsapp 問佢番唔番 ?!   佢話會呀   里奧大人就話番到公司請入佢房搵佢   榴槤話收到呢個訊息之後就左思右想   究竟咩事要特登入房搵佢咁嚴重咁 ?!   之後里奧大人拎盒朱古力比佢   話係太太送比佢嘅   榴槤就話原來送盒朱古力   佢仲以為係咩重要事呀   衰里奧大人話食對我太太嚟講真係好重要㗎   哈哈 ~

之後我話囉   好似之前西瓜叫我入佢房咁   我勁驚㗎   咁入到去就即刻比信封比我   之後話加咗人工   你話成個過程係咪好驚先 ?!   

洗埋碗就開機洗衫   之後沖涼喇 ~

搞掂哂都 8 點幾   抖多陣就追劇 ~

"哲仁王后" 真係有啲悶   完全無再想追嘅感覺   所以今晚開始睇 "梨泰園" ~

睇咗 2 集都幾好睇喎   呢套應該會追落去   雖然聽日放假   但 12 點左右都瞓喇 ~