肉燥滷蛋雞翼飯 & 拍青瓜伴蔥油雞飯 (外賣) ( 14-APR-2021 )

肉燥滷蛋雞翼飯 ($48) - 呢個好味呀   仲有 1 隻蛋同 3 隻雞翼   份量都算多

拍青瓜伴蔥油雞飯 ($48) - 其實係白切雞飯   哈哈   不過我都鍾意食呢

( 14-APR-2021  WED )

尋晚發夢激醒咗   但個夢係好真實 ~

發夢姑奶開我盒樂家杏仁糖食   咁我係留比家姐家嘛   佢食完仲將紙放番入盒   唔係拎去掉   之後食朱古力   又整到我成個椰子油樽都係朱古力   咁里奧大人煲雞腳湯   佢將啲骨吐到成枱都係 ~

仲有佢亂開門比人入嚟   激到我拍枱鬧佢   里奧大人都叫我唔好咁激氣   呢下好笑 ~

之後真係好難先瞓得番   希望以後唔好再發夢見到佢啦   哈哈 ~

里奧大人今日原來番中午   本身佢都諗住番公司做嘢   但佢換衫嘅時候   其實有啲頭痛   所以都照原定番中午 ~

今朝塞車   番到菇場已經 8 點 40 分   本身想食芝腿治   但時間緊迫   食奶醬多算喇 ~

做做下嘢   聽到 BG 好大聲話:吓   之後佢衝入去 Pantry   原來 6 仔比鎅刀鎅親   我聽到阿輸話送佢政府急症室要等好耐   所以叫佢去私家醫院   因為都流咗唔少血   咁兩個司機都一齊出去   肥仔豪同 8 卦話唔駛兩個司機咁誇張囉   我話流血不止會頭暈喎   同埋單手拎身份証登記都麻煩啦   咁一個司機幫手登記   一個司機去泊車   咁咪快快手搞掂囉 ~

Lunch Time 行一陣   之後買酸辣米線番菇場食 ~

我比湯底阿齋試下   佢話無味   但我覺得辣喎   又出事   哈哈 ~

阿花今日 Lunch 食炸兩+煎堆+豆腐花   我同佢講食得好雜   之後阿齋都話係   不過咁樣食都唔錯   好似好多嘢食咁   哈哈 ~

之後無啦啦成班女同事一齊整鬼阿齋   勁好笑   我成日都同阿齋講   唔知點解見到妳就想打   哈哈   佢話阿爽都咁講   可能佢又係痴痴哋嗰隻呢   阿爽話我哋全部人都係唔正常   正常嗰啲喺青山   哈哈 ~

里奧大人又有湯飲   勁正啦

佢一有時間   就會好積極咁 Send 呢啲信息   仲話會諗起我   好開心咁話   (圖片來自八耐舜子網頁)

忙到 5 點幾   感覺好快放工 ~

今晚里奧大人放 10 點   所以我同佢食飯再去佢公司幫手 ~

一落車就打比里奧大人   行咗十幾步就見到佢啲同事   咁我掛住傾電話   佢地唔揮手都唔知係佢地   哈哈   最後傾咗陣先去買外賣 ~

買完去里奧大人公司   又同佢啲同事傾偈   要里奧大人等多陣先開餐   哈哈 ~

食完就幫手   做到 7 點半就搞掂   我就番屋企先   里奧大人仲有其他嘢做 ~

沖埋涼就睇電視   里奧大人番到嚟都接近 10 點 45 分   都即沖涼喇   估唔到佢食雪條   我仲以為佢聽日番中午呀 ~

里奧大人同事整㗎   好香椰汁味但唔夠煙韌   不過都好好味呀   哈哈

傾多陣偈   今晚差唔多 11 點半先瞓 ~