香蒜洋蔥蜆肉意粉 + 蕃茄薯仔紅蘿蔔湯 + 自家制麵包 ( 18-APR-2021 )

( 18-APR-2021  SUN )

今朝 6 點半起身   里奧大人已經搞掂   佢應該特登唔叫我起身住啦 ~

同里奧大人講開啲搞笑嘢   好記得有次我用手遮住個口   之後叫里奧大估我個咀係向左定向右   佢居然估啱哂   之後佢係咁大笑   話我啲手指係 "Mark" 開咗   完全睇到我個咀點樣郁   佢仲話以為我整古佢啲咩呀   哈哈 ~

咁有次我戴咗頂帽   問佢估幾幾 ?!   佢答啱咗   我話佢好勁呀   佢就大笑咁話個價錢 Label 貼咗喺頂帽上面呀   哈哈 ~

一見到阿妹就係咁傾偈   講韓國男團   真係越講越興奮   里奧大人叫我哋下次早半個鐘頭番到   傾哂先好做嘢   哈哈哈哈 ~

崇拜完之後   我要去聽嘢   接近 1 點幾先再到里奧大人公司幫手 ~

搞掂哂已經 2 點   要即去食下午茶喇   之後里奧大人要去開會   我就買埋湯料就番屋企 ~

搞掂煲湯就沖涼   之後休息喇 ~

我應該 5 點 10 分瞓到 5 點半   但起身嗰下   個頭有啲實   所以唔想再瞓   我咁樣瞓番實會頭痛 ~

里奧大人 6 點幾番到屋企   所以 7 點幾開餐 ~

是日晚餐 - 香蒜洋蔥蜆肉意粉 + 蕃茄薯仔紅蘿蔔湯 + 自家制麵包

香蒜洋蔥蜆肉意粉 - 今次最開心係清咗包急凍蜆肉同埋半包急凍蝦仁   我落得太少茄汁   但其實我係諗住煮茄汁   哈哈 ~

蕃茄薯仔紅蘿蔔湯 - 無買南瓜   因為有啲攰   唔想拎刀切嘢   好驚切親隻手指呀   今日剪蕃茄粒嘅時候都驚驚地 ~

自家制麵包 - 合桃提子黑糖包   其實我好怕食提子   有次里奧大人特登留有提子嘅比我食   我話我唔食呀   佢個樣好慘咁   哈哈 ~ 

洗埋碗就開機洗衫   之後沖涼 ~

諗住抖下先   但家姐打嚟話傾偈   話今日同老二兩母子一齊諗住行山   點知變咗行街   最搞笑我聽到家姐話由調景巔行到荃灣   以為有 Shot Cut 行去呀   哈哈   佢話如果行到去荃灣嘅話   對腳斷都似   哈哈 ~

傾完就同里奧大人一齊敬拜   都差唔多 11 點完畢 ~ 

睇埋新聞   差唔多 11 點半都瞓 lu ~