馬六 @ 紅磡 ( 10-DEC-2021 )

巴東牛肉班蘭椰漿飯 ($92/Set) - 都唔錯呀   不過我覺得唔夠辣

檳城蝦麵 ($92/Set) - 呢個都好味   同埋都幾多料

 

有米粉同油麵 

娘惹蘿蔔餅 - 口感麻麻哋

古法參峇雞翼 - 好普通

桔仔話梅冰 - 呢杯飲品勁好味   底部有好多桔仔肉 ?!   唔識點講   哈哈

( 10-DEC-2021  FRI )

今朝行咗兩個圈   突然搞肚痛咁   仲開始有啲暈   所以打道回府去廁所喇 ~

里奧大人見我咁早番   仲以為出面落雨   哈哈 ~

早餐食奶醬多   因為想飲咖啡   個人好攰咁呀   次次一暈就咁   煩死 ~

Lunch Time 出去行下   之後買牛腩河番菇場食 lu ~

忙咗一輪又可以 Hea   最緊要唔好放工前有 Urgent 嘢就得喇   因為我今日 4 點半要走呢 ~

今晚 6 點睇牙醫   其實本身想 5 點走   不過我驚有 Urgent 嘢要做   咁我放 4 點半都有半個鐘頭做   因為牙醫話唔可以遲到   咁星期五又成日塞車   呢下驚囉   所以 4 點半走最穩陣 ~

去到里奧大人公司都 5 點幾   即刻同佢去診所喇   佢係 5 點半睇呢 ~

里奧大人本身諗住洗牙   點知佢蛀牙太深要杜牙根   要 $8,000 呀   仲要最快下個月先排到期呢 ~

咁我已經開始好驚自己啲牙有問題啦   因為我次次食嘢嘅時候有嘢頂住   感覺係有條 Gap 喺度   要用牙線整一整先好啲   所以我就即 Book 牙醫   但要兩個幾星期先有期   即係今日喇 ~

醫生話我蛀牙都深   但可以試下補牙   不過如果補完都痛就要整牙套呢 ~

我整咗 45 分鐘呀   全程吖大個口   真係好攰   最慘係補牙係又冤又痺痛   我真係有一下痛到差啲缺氧   係暈暈哋咁呀 ~

7 點左右終於搞掂   可以去食晚餐喇 ~

里奧大人全程無哂心機啦   因為佢好錫啲牙㗎  次次食完嘢必定漱口   不過之前都話佢啲牙無哂琺瑯質   但我好大力擦牙反而無問題   之後我話係你媽陀你嘅時候食煙囉   同埋你全家人啲牙都有問題   所以唔駛唔開心喇   唔關你事囉 ~

食完都搭車番屋企喇   開機洗衫之後沖涼 ~

今晚都唔做家務喇   頭先補牙嘅時候   全程捉實拳頭   用哂所有力呀   哈哈 ~     

睇多陣 Youtube 又投票   所以 11 點幾先瞓 ~