西京燒三文魚扒 + 凍日式豆腐 + 魚蛋米粉 + 腐乳昆明生菜 ( 12-DEC-2021 )

( 12-DEC-2021  SUN )

今朝 8 點準時起身   沖埋涼都要即出門口 ~

食完早餐就番學   之後就去里奧大人公司幫手喇 ~

里奧大人以為我鍾意飲凍嘢   我話因為好怕去新嘅餐廳飲咖啡   雖然少奶但其實唔係   咁樣我會好反胃   寧願凍飲   起碼多奶都淡味啲咁囉

崇拜完就同阿妹同 B San 傾偈   大餅話我瘦咗好多   但其實佢成日見到我㗎噃   同埋我呢排又無瘦到   不過平時佢好忙   真係打個招呼就走呢 ~

佢仲話里奧大人好似肥咗   我話我都覺呀   可能依家帶飯   唔駛出去行   成日坐好易肥㗎 ~

同佢地傾到差唔多 2 點先走   里奧大人話餓呀  咁食埋 Lunch 先番屋企 lu ~

里奧大人話個位好凍   所以轉位啦   咁傾傾下偈   老闆娘突然拎部手機嚟   問係咪我哋 ?!?!   原來我頭先唔記得拎部手機呀   真係好在個男人話比老闆娘知咋   感恩感恩 ~

食完行下都番屋企 lu   但我要去超市買菜   咁順便再行下咁啦   始終頭先食咗飯   哈哈 ~

今日好熱咁喎   所以番到屋企都要沖涼 ~

有啲攰   所以小清潔屋企就抖下   我都好似 5 點唔夠就瞓   瞓到差唔多 6 點先醒 ~

預備晚餐 - 西京燒三文魚扒 + 凍日式豆腐 + 腐乳昆明生菜 + 魚蛋米粉

西京燒三文魚扒 - 知道今日會好攰呀   所以會整三文魚扒   因為只係開焗爐就搞掂 ~

凍日式豆腐 - 里奧大人終於問點解成日食呢啲豆腐嘅 ?!   我話仲駛問?!?!   但其實係 12 月到底   但我掉咗包裝唔知邊日   所以穩陣啲快快食埋佢囉 ~

腐乳昆明生菜 - 好想食腐乳   咁一定係生菜   哈哈 ~

魚蛋米粉 - 我仲好飽   所以就咁煮個魚蛋米粉比里奧大人食算喇 ~

洗埋碗都 8 點幾   快快趣同里奧大人去徑步 ~

大清潔埋廁所就沖涼   之後休息喇 ~ 

呢兩盒朱古力係榴槤請我食㗎   質感好滑   都幾好味

今晚 11 點幾先瞓   算夜喇   不過星期一都唔會去徑步呢 ~