( 11-DEC-2021 SAT )
今朝 9 點 45 分都自然醒 我沖完涼都要去買早餐 因為約咗師傅嚟整嘢 所以想里奧大人留喺屋企等佢呢 ~
食完早餐就睇 Youtube 咁啦 今日里奧大人 12 點唔夠都出門口 佢話想用梨牌嘅 Cream 搽身 睇下會唔會敏感 所以我都去萬寧睇下 難得今日 88 折 即買 4 支 Cream 估唔到送 Pack 蘋果綠茶 ~
買完就等家姐接我一齊去新都城食嘢 家姐想買染髮劑同 Cream 咁同佢去萬寧啦 原來買滿 $150 護膚就送 1 盒 GODIVA 黑朱古力 今日都好多嘢送咁喎 ~
諗住食新開嘅餐廳 但餐牌完全唔吸引 所以去食炸雞 我覺得家姐知我鍾意食囉 因為佢成日都話食炸雞 ~
家姐話: 阿妹妳去影張吖 我幫妳影張吖 感覺好似我係啲細路女咁 哈哈
大家食咗 1 件雞都有啲飽 我又要食埋飯呢 其實之得一個餐 Share 食啦
雞肉好滑 但啲皮就有啲鹹 所以無咩點食 炸雞居然唔食皮 哈哈哈哈
食完就去營多買 ABC 甜醬油 2 支只係 $8 咋 家姐以為睇錯 因為我哋以前買 1 支都要 $8 啦 雖然平 但我同家姐每人 1 支先 始終成日可以買到 唔想買咁多 ~
我同家姐講話快啲番屋企 我唔想再買嘢 哈哈 ~
家姐比包炸蝦片比我
我話唔要咁多 佢同工人話呢度唔多啦 救命
呢個工人好鬼搞笑 真係食唔停咁㗎 佢仲同 Agent 投訴話屋企太多嘢食 哈哈 不過佢又會買啲印尼特產比家姐食 今次買咗香蕉片 我以前都會買嚟食 但依家就覺得好甜呢 ~
等我比芝士粒呀 原來都好耐無叫佢比 Hand Hand 咁其實佢之前唔駛番學都得啦 哈哈
最中意埋人堆 哈哈哈哈
眼瞓了
八八卦卦
又郁來郁去
似乎瞓着了
今日買咗一大袋嘢 家姐話下次拎 我話唔好喇 之後家姐話聽日車比我 我咪話囉 特登車比我仲煩啦 我話我一定會拎走 哈哈 ~
家姐只係要 ABC 甜豉油 & Cream & 染髮劑 其他就係我要拎走嘅
完全唔提神 我覺得飲完仲更加眼瞓 哈哈
家姐 4 點幾出去整嘢 Berry 就勁乖喇 工人都話如果家姐唔喺屋企 Berry 唔會行嚟行去 其實唔通 Berry 想成日陪住家姐 ?!?!?!
差唔多 5 點左右都瞓下先 最緊要校鬧鐘 一陣唔知醒就大鑊了 ~
佢次次臨瞓前都會放個屁
佢一咁樣 搞到我都眼瞓埋 哈哈 但我要走啦
我臨走前實會摸多幾下 勁似啲阿婆要摸下個孫咁 哈哈
衰眼 係咪知道我會摸妳呀 ?!
佢眼神再話我知 唔該妳快啲走啦
我 6 點唔夠都走喇 我想早啲到學校 因為想快啲放低啲嘢 ~
好快又話放學喇 抖多幾個新星期就有新課程 勁期待呀 ~
買埋晚餐就番屋企 沖完涼就里奧大人番到屋企 無諗過今晚我快過佢呢 哈哈 ~
肥婆女又出現喇
瞓得好林
今日買嘅小新卡片套 只係 $8
食完都 10 點 今晚要睇聖經功課 所以差唔多 12 點先瞓呀 ~
沒有留言:
發佈留言