泡菜焗豆卜 + 蜜糖焗雞翼 + 腸仔刀削麵 + 西蘭花拚菜心 ( 15-DEC-2021 )

( 15-DEC-2021  WED )

呢兩晚都瞓得唔好   真係感恩起身都精神咋 ~

早餐食芝腿治烘底   勁好味   其實我係鍾意食鹹嘢多啲 ~

菇場忙呀   所以好快就 11 點 45 分 ~

咩事瞓成咁

咁就正常喇   哈哈

Lunch Time 出去行下   之後又買水餃麵番菇場食   家姐問我食咩 ?!   我話牛什河/水餃麵/墨魚米   估我食咩 ?!   佢估牛河再墨魚米   我話係水餃麵喎   佢話估我唔到   哈哈哈哈   其實我唔鍾意食麵   不過家姐話食麵無咁肥   我先食咋 ~

放工番屋企   之後里奧大人話今晚晏少少放工   咁我徑步 20 分鐘左右先番屋企 ~

番到屋企就做小清潔啦   估唔到里奧大人 7 點左右番到屋企   因為佢無話我知上車呀   原來佢以為 Send 咗比我呀   唉   嘥哂我啲時間   因為我只係焗咗豆卜咋 ~

是日晚餐 - 泡菜焗豆卜 + 蜜糖焗雞翼 + 腸仔刀削麵 + 西蘭花拚菜心

泡菜焗豆卜 - 尋晚特登留啲豆卜   今晚焗完再加泡菜   咁食好鬼正㗎 ~

蜜糖焗雞翼 - 依家里奧大人帶飯就焗多啲   今期啲雞翼好細隻咁 ~

腸仔刀削麵 - 唔想食飯   里奧大人又唔帶得湯麵   咁就炒刀削麵啦   再加幾條腸仔又變成一大碟   哈哈 ~

西蘭花拚菜心 - 尋晚食剩一棵西蘭花   咁加多份菜心啦   食多啲菜好 ~

洗埋碗就沖涼   之後休息 lu ~

其奧嘅開心果花生脆糖   勁好味呀

今晚 11 點幾先瞓   仲好似唔係咁眼瞓咁   但點都要瞓啦   瞓得唔好仲夜瞓就唔係咁好啦 ~