蜜糖焗雞肶拚腸仔 + 炒拉麵 + 菜心苗 ( 10-MAY-2022 )

( 10-MAY-2022  TUE )

感恩尋晚都瞓得唔錯   始終放假 3 日係自然醒   突然早起會唔慣嘛   哈哈 ~

又落毛毛雨   仲要無咩風咁   感覺勁潮濕 ~

早餐食奶醬多   咁家姐問食咩 ?!   我話一連 5 日奶醬多   佢話佢無問題㗎   佢超級愛花生醬多   哈哈 ~

菇場 Server 壞咗   我同阿花話今日唔應該叫人番朝早啦 ~

Lunch Time 出去行半個鐘啦   反正無得上網   去完買嘢再買鯪魚球米番菇場食 ~

2 點半先整好 Server   所以全世界都變得超級忙呀   因為大半日都做唔到嘢 ~

我都勁忙呀   做到放工都未做完   好在唔趕咋 ~

放工去買雞骨草比里奧大人   感恩趕得切班車呀 ~

里奧大人今日 4 點出去買嘢   估唔到同佢差唔多時間番到屋企   咁我都要快啲煮飯呢 ~

依家里奧大人又可以帶飯   所以我都有啲心機煮   因為我平時煮得少份量   咁 3 人份量好似易控制啲   同埋最正係食唔哂可以留比里奧大人做 Lunch   嘻嘻 ~

不過今晚都接近 7 點半先開餐   都算夜呀   哈哈 ~

是日晚餐 - 蜜糖焗雞肶拚腸仔 + 炒拉麵 + 菜心苗

蜜糖焗雞肶拚腸仔 - 連續 3 日食雞   不過無計啦   已經醃咗 2 晚   點都要食 ~

炒拉麵 - 突然想清埋呢 3 包拉麵   所以即煮   其實加椰菜仲正架   之得唔好即興啦   哈哈 ~

菜心苗 - 我整咗咗碗蔥蒜辣椒豉油   估唔到里奧大人話好味   咁下次會再整   咁食起菜嚟真係無咁悶呢 ~

食完飯洗埋碗   里奧大人話有感恩嘅事要話我知喎   之後講完就比部 Tab 比我   話係母親節禮物   哈哈 ~ 

其實里奧大人次次見我用手機睇 ASTRO 嘅嘢   佢就會話睇壞眼   所以已經成日話買 Tab 比我   不過我話唔要   唔好嘥錢咁呢 ~

9 點鬆啲同里奧大人跳舞   佢跳 1 Part   我就跳 2 Part ~

沖完涼就睇陣 Youtube   可能今晚太夜跳舞   差唔多 11 點半先眼瞓呀 ~