薑蔥燜白魚腩 + 昆明生菜 ( 15-MAY-2022 )

( 15-MAY-2022  SUN )

今朝發夢嘅時候聽到啲音樂   原來係我鬧鐘響   哈哈哈哈 ~

其實仲好眼瞓咁   但因為已經 10 點   真係暈住嚟起身咁   如果唔係約咗里奧大人食 Lunch   我應該都會繼續瞓   哈哈 ~

即去廚房開焗爐焗麵包   梳洗之後就可以食得添呀   其實好唔慣一開眼即食   平時點都會整呢樣整嗰樣咁呢 ~

食完就即刻沖涼喇   今朝最勁係無開 Wifi 同電視   因為我一睇 ASTRO 就會拖慢哂腳步呢 ~

去到里奧大人公司就要幫手   之後同阿妹傾偈   傾到差唔多 1 點   里奧大人都差唔多放工了 ~

頂爺派糖比我   好耐無食大白兔糖喇   所以收到勁開心

同里奧大人買 Lunch 番公司食   之後佢同同事們去聽講座   我就去 Taste 幫家姐買黑毛豬午餐肉 ~

感恩超市仲有少量貨呀   因為家姐好少叫我買嘢嘛   咁好肯定佢好想要囉   佢話屋企得 3 罐   所以想買定   最感恩係做特價呀   我即買 5 罐比佢啦 ~

佢又係咁叫我買埋   但我話我已經有 9 罐啦   真係有排食   始終真係可以一個月先食一次 ~

經過魚檔又去睇下   魚佬話份白魚腩好靚㗎   係深海魚嚟㗎   咁我問佢點煮 ?!   佢話酸菜魚啦   之後又話一定要爆下先好味   佢咁教我   我唔買又好似混吉咁   見 $30/份又平   所以買嚟試下 ~

去埋街市買水餃同菜   最後買埋 1/4 個西瓜就番屋企喇 ~

頭先買咗百香果   但屋企得可樂同忌廉   所以又要去超市買 7-Up   今日真係行來行去 ~

放低哂所有嘢   之後就大清潔同拖地   再大清潔完廚房就沖涼 ~

係咪諗緊我呀 ?!   哈哈哈哈

家姐話佢影完唔夠 1 分鐘   Berry 就瞓著咗了

望個鐘原來都 5 點幾   我都要開始預備晚餐喇 ~

里奧大人 6 點左右都番到屋企   叫佢沖埋涼等食 ~

是日晚餐 - 薑蔥燜白魚腩 + 昆明生菜

薑蔥燜白魚腩 - 拎出嚟好腥咁   頭先戴住口罩就真係咩都聞唔到   哈哈   咁落多啲胡椒粉醃   之後加鮮腐竹同薑蔥一齊燜   煮嘅時候又好似好腥咁   又再加啲胡椒粉   感恩係食落又唔腥   同埋個汁都好味   里奧大人都鍾意食呢   但我話整到啲魚肉散修修   如果唔係更好呢 ~

昆明生菜 - 突然好想食生菜   爽爽脆脆都好正 ~

洗埋碗就大清潔廁所   之後沖涼休息喇 ~

今晚飲咗半支米酒    所以唔跳舞喇   同里奧大人一齊睇 "御史與祚怡"   雖然係古裝劇   但都幾好睇喎   同埋我鍾意玉澤演   難得有佢做當然要睇   哈哈 ~

今晚 11 點半左右都瞓覺   唔係太眼瞓但都要瞓   唔想又 12 點先瞓   因為真係太夜咁呢 ~