環遊世界 (薄批) + 炸雞 + 招牌肉醬意粉 (外賣) ( 20-MAY-2022 )

( 20-MAY-2022  FRI )

今朝終於同平時一樣時間起身   但好頭暈   其實尋晚半夜轉身都暈暈哋   不過無諗過暈咁耐囉 ~

我覺得瞓喺度仲頭暈   所以寧願起身   做嘢就慢動作好過 ~

早餐仍然食奶醬多   好味呀   哈哈哈哈 ~

菇場唔太忙   咁就好喇   暈暈哋咁唔想行來行去呀 ~

Lunch Time 去完買麵包就去買紅腸酸辣米線   今日真係無能力行咁耐呢 ~

好在唔忙   因為 5 點要睇 ASTRO 上 Music Bank   我同阿花喺咁昅住   哈哈 ~

放工即走   不過我仍然好頭暈   所以叫里奧大人買外賣番屋企   估唔到佢話叫 Pizza ~

我沖埋涼先食嘛   之後叫里奧大人都沖涼   佢話食埋先   我話你好餓 ?!   佢話想我快啲食   不過我話我都唔餓   等佢沖埋涼先食   沖完涼乾乾淨淨舒服好多呢 ~

食完都休息   個頭仍然好暈   好少暈咁耐㗎   真係要補補血先得 ~

今晚 11 點半先敢瞓覺   因為之前一瞓就暈   我等到自己無咁辛苦先去瞓呢 ~