焗鮮蝦餅 + 海蜇青瓜 ( 11-AUG-2022 )

 

( 11-AUG-2022  THU )

今朝 9 點半左右都自然醒   咁里奧大人都去買早餐呢 ~

食完就睇下 Youtube   里奧大人 12 點幾去買午餐   但我話食好少㗎咋   我只係食咗 2 粒魚蛋同燒賣   因為我話早餐都未落格嘛   所以個包要留番比佢聽朝做早餐了 ~

沖完涼都差唔多 1 點   所以要出發喇 ~

去 TOP 睇下嘢   之後再去花園街   又買咗條 One Piece   不過今次要 $219   所以我自己比   哈哈 ~

無咩人行嘅花園街

 

之後又去文具店行下啦   買咗 2 個蠟筆小新 File   總共係要 $68   雖然我知係 1 個 $29 (20 Sheets)   另 1 個 $39 (40 Sheets)   但突然覺得 $68 好貴   真係諗緊有無計錯數呀 ?!   哈哈哈哈 ~

最後行埋旺中   但真係好迫   所以行一個圈即走 ~

諗住去買台灣肉燥飯番屋企做晚餐   我問職員可唔可以分開盒上   佢話唔可以   咁我都唔買喇   始終又唔係即刻食   啲飯索哂啲汁會林哂囉 ~

咁都搭車番屋企喇   番到屋企都即沖涼 lu ~

花生糯米糍 ($25/盒) - 個皮都煙韌   但餡料好少呢

我都唔 Send 比家姐睇喇   家姐又係叫佢做 "呢隻嘢"   哈哈哈哈

5 點左右瞓着咗添呀   仲瞓咗半個鐘   可能頭先出咗汗比較攰 ~

之後熨 3 機衫當做運動   但就唔會出汗囉   哈哈 ~

6 點半先開始煮晚餐   但差唔多 7 點半先開餐 ~

是日晚餐 - 焗鮮蝦餅 + 海蜇青瓜

焗鮮蝦餅 - 尋日喺 Aeon 買㗎   榮鈦行出品都唔錯   我焗咗 15 分鐘   都仲係好似馬豆糕咁顏色   所以我要掃啲醬汁   成碟白雪雪咁   真係好似未熟咁呢   哈哈 ~   

海蜇青瓜 - 由細到大都好鍾意食海蜇   但依家多數買包裝海蜇   口感真係麻麻   但想食就無計啦   哈哈 ~

洗埋碗就開機洗衫   之後沖涼休息喇 ~

聽日要番工   但今晚都係 11 點幾先瞓覺 ~