鹽酥雞肉燥飯 + 台南魯肉飯 + 甜不辣 + 蚵仔煎 (外賣) ( 22-AUG-2022 )

鹽酥雞肉燥飯 ($49) - 估唔到鹽酥雞份量都好多   里奧大人居然仲食咗幾件   因為佢好少喺無啤酒嘅情況下食炸嘢呢   哈哈

台南魯肉飯 ($36) - 飯量唔多就最啱我哋   但我話正宗魯肉飯其實真係唔多飯呢

甜不辣 (+$9) - 口感煙煙韌韌

蚵仔煎 (+$9) - 一般啦

( 22-AUG-2022  MON )

今朝同里奧大人瞓到 10 點 50 分呀   我仲要係一覺瞓到醒喎   真係好難得 ~

里奧大人今日生日   所以我請假陪佢   其實無咩嘢做㗎   天氣又熱   最多行商場  哈哈 ~

梳洗完就整早餐   食完就休息一下先 ~

A1 買嘅丹麥酥 ($28) 再加阿花送比我嘅黑啡   我當 $12   其實咁都 $40   真係買份早餐番屋企食仲抵   哈哈

食完就拎份生日禮物比里奧大人   佢個樣勁愕然同開心呀   因為佢話真係無諗過有呢啲驚喜   哈哈哈哈 ~

我其實都好驚唔記得比佢   依家真係無咩記性囉 ~

里奧大人嘅生日禮物   好在屋企有白紙咋   可以當花紙   哈哈哈哈

其實尋日已經包好份禮物   但真心覺得勁核突   所以今朝再包過

里奧大人自己影相留念

佢見到隻豬   就話係我 

我都鍾意 lulu

仲有個迷你月餅   好得意呀

又唔想灘喺梳化   所以熨 2 機衫啦   呢兩晚又無時間熨   咁拿拿聲熨完可以了咗心事 ~

差唔多 1 點 45 分就食午餐   里奧大人明明話買 3 款點心   最後買咗 4 款   我話雖然我大食   但我覺得食點心真係好滯   所以 3 款真係已經好夠呢 ~

睇 Youtube 見人買好多嘢   我同里奧大人講話一陣去買嘢呀   佢話唔明點解我咁鍾意買嘢 ?!   我話我唔明你點解咁唔鍾意買嘢就真呀   哈哈 ~

沖埋涼都出發去旺角喇   因為已經 2 點 45 分呢 ~ 

里奧大人話想買洗頭水   所以去始創中心睇下   經過間店舖   見到有女裝矯型肩背帶   所以里奧大人送比我喇 ~

之後再去聯合廣場同新之城行下   差唔多 5 點就去牙醫診所   雖然 5 點半先整   但我話早啲上去坐下好過 ~

5 點 50 分先到里奧大人   整到 6 點 20 分就搞掂 ~

本來一齊去 TOP 買晚餐   但見好多人等小巴   所以我叫里奧大人喺車站等我   我自己去 TOP 買晚餐 ~

估唔到好多人買台式晚餐   但感恩好快搞掂   我去到小巴站就啱啱可以上車呢 ~

里奧大人要番公司做嘢   咁就去佢公司食啦   本來佢諗住打完麻醉針食唔到嘢㗎   但感恩都可以食到   因為我成日話想同佢一齊食生日飯呀 ~

食完就要去番學喇   今晚放學之後有啲嘢搞   所以要遲啲走 ~

差唔多 10 點傾完   同里奧大人一齊搭車番屋企喇 ~

沖完涼就要食埋半個生日蛋糕   因為聽晚會更加夜食   所以寧願今晚食埋去   同埋里奧大人驚個蛋糕變壞   因為佢唔想浪費我嘅心意   平時佢唔會咁架   佢好少記得要食啲咩   今晚仲要喺佢自己拎埋出嚟食添呀 ~

里奧大人仲要話好味   我話好少聽你話好味喎   佢話因為係我買喎   幾識講嘢 ~

真係好少咁夜仲食蛋糕   咁我睇 Youtube 嘛   我話唔好睇鹹嘢   里奧大人即望下我睇緊咩 ?!   我話食緊甜嘢唔睇人地食鹹嘢呀   哈哈 ~

女裝矯型肩背帶 ($128) 

食完都差唔多 11 點   所以今晚 11 點 45 分先瞓呀 ~