黑椒西冷牛扒 + 燒汁三文魚鰭 + 至尊雜錦薄餅 ( 21-AUG-2022 )

襯里奧大人沖涼   我拿拿聲拎出嚟影   真係勁驚成個跌出嚟呀   好在佢出入平安咋   哈哈  

朝日榨葡萄味啤酒喺 Taste 買㗎   見到 $16.9 就買嚟試下啦   我飲咗幾啖真係完全感覺塊臉係紅哂呀   之後有啲眼瞓咁   好在後尾就正常番咋    哈哈哈哈

 ( 21-AUG-2022  SUN )

今朝 9 點唔夠都自然醒   我其實都鍾意呢個鐘數起身   因為多啲時間做家務   咁其實我係可以瞓到 10 點   不過醒咗就一定會起身呢 ~

早餐食甜餐包加芝士   食完即大清潔屋企 lu ~

大清潔廁所就沖涼   抖陣就出發番教會 ~

崇拜完畢就出去行陣   之後再買午餐去里奧大人公司食呢 ~

南乳豬扒上海菜飯

五香豬軟骨上海麵

里奧大人食完就要去開會   我就去九龍灣買晚餐   今日有大 Project 呀   就係整里奧大人嘅生日晚餐   哈哈哈哈 ~

我同里奧大人行街買嘢   每次話送嘢比佢   佢都係要自己比錢   所以我真係好想送份生日禮物比佢   等佢開心下   因為真係好耐好耐無送嘢比佢呢 ~

先去 ZARA   但可惜啲 Tee 唔啱心水   再去馬莎睇裇衫   但無中袖   所以即走喇   唔係行行下又會買自己嘢架 ~

去 Simpliy Life 睇蛋糕   但得酥皮吉士撻   里奧大人唔鍾意食   咁唔買喇 ~

即去 Market Place 啦   Urban Bakery 居然無咗   我仲諗住一次過喺 MP 買蛋糕同壽司番屋企嘛   可惜可惜 ~

一場嚟到德福就順便去日系生活睇玻璃杯   但好多都無杯蓋   咁唔買喇 ~

經過 Italtian Tomoto   一個蛋糕太大個   但我想散買 6 件又太多   4 件又做唔到圓型喎   所以都係唔買喇 ~

其實真係好邪   我明明一早諗好去 Taste 同 A1   但最後決定轉去 MP   點知都係要去番 Taste   人生路果然係兜兜轉轉   哈哈哈哈 ~

去到 Circle K 見到有玻璃杯   仲要有蓋   所以即買喇 ~

幾日前經過 Chateraise   想買嘅味道係得大個嘅   細個就係芝士蛋糕   但里奧大人又唔鍾意食   咁我放棄啦   所以再去 A1 睇   有個生日蛋糕係 12cm   仲要係朱古力味   里奧大人一定鍾意   所以我都決定買 ~

我諗住去完 Taste 買哂嘢先買蛋糕   我仲心諗好少人會好似我咁即場訂啩   點知去到即刻有人訂咗 1 個呀   所以我都要刻即訂喇   咁一陣先嚟拎   其實我好怕咁   因為我驚買完嘢直接番屋企   哈哈 ~

去到 Taste 行個轉   買齊哂晚餐材料都即去拎蛋糕喇 ~

番到屋企原來都 4 點幾   怪不得我咁攰啦 ~

沖埋涼真係要休息   差唔多 6 點半就預備晚餐了 ~  

里奧大人 7 點先開完會呀   等埋佢沖涼先開餐   佢一出嚟就比生日利是比佢   因為我好驚自己唔記得呀 ~

是日晚餐 - 黑椒西冷牛扒 + 燒汁三文魚鰭 + 至尊雜錦薄餅

黑椒西冷牛扒 - 真係唔知煮咩   所以又整牛扒   再加黃車厘茄同法邊豆   之後再切個無花果   放埋一碟洗少一樣嘢   哈哈 ~

燒汁三文魚鰭 - 第一次整   我覺得好好味呀   里奧大人仲食咗 2 件   真係好比面 ~

至尊雜錦薄餅 - 我驚牛扒唔夠飽   所以再買呢包韓國薄餅   味道都唔錯喎 ~

洗埋碗就食生日蛋糕   里奧大人唔知我買咗呀   所以我要靜靜雞拎出嚟   咁我唔想直接講話有生日蛋糕   我就話佢成日將啲嘢放喺餐枱又唔執   之後佢縐哂眉望張餐枱   但見到個生日蛋糕就即刻笑呀   唔夠 1 秒就變臉   勁搞笑 ~

佢話今晚真係好有驚喜   因為諗住今晚都係食普通晚餐   更加無諗過有生日蛋糕   其實佢真係食咩都無所謂   無生日蛋糕更加無問題   但我真係想比驚喜佢   等佢開心下呢 ~

食完就沖涼   今晚睇 1 集 "痞子殿下" 就算喇 ~

雖然有啲攰   但都係 11 點幾先瞓   哈哈 ~