鹽酥雞配一蘭杯麵 + 吞拿魚三文治 ( 8-JUL-2023 )

里奧大人問調味料點樣落 ?!   我話 ABC 順住囉

咁睇好似無咩餡   但其實有唔少吞拿魚蓉㗎

( 8-JUL-2023  SAT )

感恩一覺瞓天光   今朝瞓到 7 點 45 分先起身   諗住買早餐番菇場食   但里奧大人話佢都醒咗   去買早餐番屋企陪我食   次次突然間陪我食早餐   佢就會問開唔開心 ?!   我話點都會話開心啦下話   哈哈 ~

菇場唔忙啦   得幾丁友番工 ~

阿爽一見到我   都即刻問我點樣 ?!   因為佢上次見我行路好辛苦   係要停一陣先可以再行咁呢 ~

阿花送比我嘅手信   佢去咗花生度整 Hand Cream 比我   味道好香呀

放工即刻搭的士去里奧大人公司   咁我買埋午餐再過去   諗住遲啲先有時間食   估唔到可以即刻食   咁樣仲好   我想快啲去幫手 ~

本來我要企嘅   但筋膜炎無辦法企   所以唯有轉崗位啦   轉咗同醫師一齊做   佢知我腳痛   仲攬住我叫我要休息呀   佢怕我辛苦   我話今次雖然唔舒服   但都可以互相配合嘛   最緊要幫到手呢 ~

雖然平時都見到   但無諗過佢會攬實我   里奧大人見到都話好驚訝 ~

5 點左右活動完畢   咁我都幫手執下嘢   諗住執完就走   但就同阿妹傾咗陣計   同埋里奧大人原來去咗開會   所以要 6 點先走得呢 ~

番到屋企即沖涼   今晚唔想叫外賣   更加唔會煮   所以我叫里奧大人食杯麵   咁尋晚又剩咗鹽酥雞   我叫佢焗熱食呢 ~

睇下電視同 Youtube   里奧大人直頭 9 點瞓覺添呀   因為今日佢體力勞動咗一日 ~

我就 12 點先瞓   最衰頭先飲咗盒檸檬茶啦   唉 ~