海鮮卷拚墨魚卷 (外賣) + 油麥菜苗拚菜心苗 + 鮑魚汁麵 ( 13-JUL-2023 )

尋晚買嘅兩餸飯   但就無食到葡國雞   所以今晚點都要食喇

( 13-JUL-2023  THU )

尋晚瞓得一般   所以起身都有啲周身骨痛 ~

早餐食朱古力味卷蛋   今朝都懶得沖咖啡   呢排慣咗手到拿來就食嘛   哈哈 ~

菇場唔忙呀   一係同阿花 Whatsapp   一係同 8 卦 Skype   但傾咗好多嘢   都覺得時間好慢咁 ~

Lunch Time 出去買午餐   天氣勁熱   所以買完都即番菇場喇  ~

今餐嘅顏色係橙橙黃黃   有啲恐怖   哈哈

仍然唔忙呀   同阿花 Whatsapp 啦   因為佢都係得閒嗰個   哈哈哈哈 ~

放工即走   番到屋企都即煮晚餐喇   太耐無煮   咩都要慢慢來 ~

是日懶餐 - 海鮮卷拚墨魚卷 (外賣) + 油麥菜苗拚菜心苗 + 鮑魚汁麵

海鮮卷拚墨魚卷 (外賣) - 尋晚食剩 3 隻土匪雞翼   所以一次過焗埋 ~ 

油麥菜苗拚菜心苗 - 擺咗成個星期啦   估唔到無壞到   實在太好   雖然係平嘢   但都唔想嘥嘛 ~

鮑魚汁麵 - 我同里奧大人都覺得麵嘅質感比較硬   但好似仲有幾包要煮 ~

洗完碗就做大清潔   因為見隻腳無咁痛   里奧大人就話成日一無咁痛就係咁做家務   應該抖多兩日   等對腳完全好番先做嘛   但我真係忍唔住囉 ~

不倒翁辣炒年糕魚餅 ($26) - 見幾抵所以買   搵晚整韓餐先

里奧大人去做運動   咁我都沖涼休息喇 ~

今晚里奧大人幫我搽黃道益   可能加上我又拉筋   感覺對腳真係無之前咁痛   但黃道益陣味都幾難頂   希望快啲好番唔駛再搽佢啦 ~

之前筋膜炎   但奇怪對手都痛   以為自己側身瞓覺影響啦   之後先知應該係網球手   依家真係無再拎重嘢喇   係真係唔敢囉   我真係從來無諗過自己咁快就有勞損嘅一日   唉 ~

睇陣 Youtube   今晚 10 點 50 分先瞓 ~