韓國午餐肉出前一丁 ( 15-JUL-2023 )

 ( 15-JUL-2023  SAT )

今朝起身前發咗個夢   阿花喺醫院探我婆婆   仲同我視像通話   之後佢就去家姐屋企   嗰時係星期五夜晚 10 點   咁仲有大食表妹在場   Berry 就瞓喺掛衣架下面   我話不如打牌   家姐就打去會所拎麻將枱 ~

咁我哋搭的士去會所   家姐坐車頭   咁我同阿花諗住比錢   咁啱每人都拎咗 $200 出嚟   大食就拎 $50   但去到嘅場景係超市   家姐買咗好多帆立貝壽司   係一張細嘅四方枱 size 呀   底下仲有其他壽司   之後鬧鐘響了 ~

早餐食豬扒米粉再加腿蛋包    但最後都食唔落腿蛋包   又要留番今晚食 ~

兩塊方包都好多牛油   正呀

咁我見到張枱有個白色蓋   我以為里奧大人拎咗啲咩啦   點知我一反轉睇   原來係尋晚食嘅雪糕蓋   所以我成日話佢原生家庭根本係無手尾同污糟   無得唔認 ~

食完就里奧大人拎個碗去鋅盤倒湯   點知跣手   啲湯彈哂落牆   我話點搞哥哥呀   倒碗湯啫   但做嘅清潔工作仲多過倒碗湯   因為我中午又做大清潔啦 ~

之前做咗 MOS BURGER 會員   有張 $5 早餐 Coupon   但最麻煩係要有張卡先用到   所以比唔到阿花   咁今朝再問張 Coupon 係咪用得   因為印咗到 6月份嘛   職員話到 8 月   咁我轉身諗住行埋一邊 Whatsapp 阿花食唔食 MOS   點知轉身就見到佢   我嗰下都好愕然 ~

咁我即用張 Coupon 啦   再話終於了咗心事   哈哈 ~

佢以為我都會食 MOS 呀   我話食咗早餐啦   佢唔信我真係只係幫佢買早餐呀   佢話無人對佢咁好   唔好再縱佢啦   呢句笑死   我話五蚊雞呀   真係唔想嘥囉   我又用唔着喎 ~

菇場唔忙啦   又做下自己嘢   之後同 CC Whatsapp 咗成個鐘   所以覺得好快放工喇 ~

上次同 8 卦講話我要買花生   但佢無反應   估唔到佢係記得

放工即走   同里奧大人去 MOS BURGER 食午餐   之後再去 AEON 行陣   里奧大人諗住買 Polo 裇同褲   不過唔見有囉   所以陪我去超市買嘢 ~

去超市買糖水同買咗 9 包 M 巾   因為買 3 包先平   呢啲損耗品真係好似廁紙咁   見平就好入貨喇 ~

買完都番屋企喇   條街好熱呀 ~

沖埋涼就休息   今日叫做出咗成日街   所以都好攰下 ~

抖到 7 點半先煮嘢   不過今晚真係超簡單   哈哈 ~

是日懶餐 - 韓國午餐肉出前一丁

韓國午餐肉出前一丁 - 里奧大人話午餐肉要薄切同煎先好味   下次等佢煎喎   不過我話一定要同我清潔埋廚房喎   因為實有油彈出嚟   之後佢無出聲   哈哈哈哈 ~

洗埋碗就開機洗衫   之後沖涼   抖陣就食紫米露糖水 ~

我覺得用杯食糖水仲方便喎

睇陣 Youtube   今晚 11 點先瞓呀 ~