豆豉鯪魚炒油麥菜 + 焗豆卜 ( 11-APR-2024 )

( 12-APR-2024  THU )

尋晚臨瞓前   里奧大人話下次我再肚痛   要好似今晚咁即刻叫佢呀   唔好要佢咁擔心   不過又係真嘅   講話暈就聽得多   但見到暈咗就真係驚嘅   如果家姐見到我咁   佢肯定仲驚   哈哈 ~

又係 4 點幾熱醒咗   但感恩好快瞓得番呢 ~

今朝都係同里奧大人出去食早餐   但真係邪啦   我叫里奧大人唔好食咁多煙肉通粉   改食火腿通粉啦   點知今朝居然無火腿   咁今朝我出門口先嘛   里奧大人一見到煙肉通粉都好愕然   哈哈 ~

菇場唔忙   Uber 真係唔多掂   咁我拍卡入公司   佢咁啱就出公司   但佢就唔按開門制   等我開門入先   好心男人就比啲風度開門啦   已經唔係第一次   有時我拎住杯   佢都等我開門   我同老闆都試過咁情況   但老闆係開埋門仲同我 Say Hello 添呀   所以我成日都話老闆好禮貌過啲同事囉 ~

   

Lunch Time 去莎莎買有色潤唇膏   再去一田買爵士蘋果   之後行多陣先醒起要去買菜    望下隻錶已經 12 點 20 分   咁食埋水餃米先去買菜 lu ~

食完即去買菜同麵包   今日行到出汗呀   番到菇場啱啱好 1 點 ~

水餃好味呀   下次會再食   呵呵

唔忙就做自己嘢啦   咁就會覺得好快放工㗎喇   哈哈 ~

番到屋企覺得涼涼哋   不過都會開窗先嘅   但又唔覺得熱   咁又幾好 ~

之後浸完菜就坐梳化打機   好奇怪點解會有啲凍凍哋感覺   仲以為自己身體無以前咁怕熱   但原來係里奧大人無熄冷氣囉 ~

里奧大人 6 點半打嚟話仲未走得   咁我打住機等啦   佢差唔多 7 點 40 分先番到屋企   我整鬼佢話趕住去散步   叫佢自己食   佢個樣好慘話唔好意思   話一齊食快啲   咁可以去散步   哈哈 ~

是日晚餐 - 豆豉鯪魚炒油麥菜 + 焗豆卜

豆豉鯪魚炒油麥菜 - 今晚開罐豆豉鯪魚   發覺啲豆豉少咗一半咁滯呀   好在仍然好味道   唔係就唔買㗎喇   煮完掛住同里奧大人傾偈   完全唔記得影相添 ~

焗豆卜 - 差啲唔記得之前剩咗啲豆卜   好在今晚開爐焗薯條咋   係尋日里奧大人食剩㗎   家姐食薯條   好鍾意蘸茄汁加 Tabasco   跟得佢多   依家我都係咁   哈哈 ~

食完抖陣就去公園散步   依家難得無落雨就出去啦   始終吹自然風係舒服過吹冷氣嘅 ~

好似行咗半個鐘   因為無睇幾時開始行   哈哈 ~

番到屋企都 9 點鬆啲   要即開機洗衫同沖涼喇 ~

睇下 Youtube   今晚 10 點 45 分都瞓覺 lu ~