海蜇手撕雞 (外賣) + 香辣蒜蓉醬蒸脆肉瓜 ( 24-APR-2024 )

( 24-APR-2024  WED )

尋晚半夜郁一郁   嗰下好驚醒咗瞓唔番呀   但感恩好快瞓着   一瞓就瞓到鬧鐘響 ~

原來都瞓咗有 10 個半鐘   可能前排瞓得唔好   依家要不斷補眠   哈哈 ~

今朝同里奧大人出去食早餐   食完就去佢公司坐陣   之後就搭車番工 lu ~

菇場忙呀   今日 3D 勁開心呀   但有得忙就更開心呢 ~

Lunch Time 未餓   所以出去買菜   之後再行半個鐘就買燒賣腸粉番菇場食喇 ~

忙咗陣又可以 Hea   不過今日有啲暈暈哋   夠瞓都暈真係慘   哈哈 ~

放工即走   本來想出去食   但又諗唔到食咩好   所以我話買手撕雞算喇 ~

番到屋企就即預備晚餐   今晚非常簡單   所以 6 點 35 分可以開餐 lu ~

是日懶餐 - 海蜇手撕雞 (外賣) + 香辣蒜蓉醬蒸脆肉瓜

海蜇手撕雞 (外賣) - 唔想食辣   所以寧願行遠少少買海蜇手撕雞喇 ~

香辣蒜蓉醬蒸脆肉瓜 - 2 條煮埋出嚟都幾多   但成日覺得 1 條又唔夠食   哈哈 ~

洗埋碗就沖涼喇   里奧大人今日中午出咗去成日   所以攰到都唔做運動 lu ~

頭先想買燒餅   真係好在無買咋   原來仲有麻糬未食

睇下福寶又睇下其他   今晚 10 點半都瞓覺喇 ~