宮保雞丁飯 ( 13-APR-2024 )

我話仲有 1/3 白飯無焗到   所以里奧大人都好驚訝   因為無諗過套餐嘅白飯份量係咁多呢

( 13-APR-2024  SAT )

尋晚又係瞓到半夜醒咗   又係好難瞓得番   臨醒前就係咁發夢   我唔記得同邊個帶朱朱出街   朱朱見到啲狗就好激動   個身係咁打轉就撞到條柱   變咗 1 條棍咁樣   我係咁搓佢啦   無啦啦變咗 1 條保鮮紙咁   之後好似帶佢睇醫生 ~

另一個夢係見到里奧大人腳痛行樓梯   之後場境變咗爸爸入院   我明明帶爸爸番教會   個醫生仲要話點解佢係醫生   明明頭先係教會   呢下搞笑   之後話爸爸無營養   反而媽咪話爸爸煮嘢好難食   所以唔食   但依家講緊係爸爸無營養嘛   個夢都好清醒咁諗   哈哈 ~

咁我記得有個場境係喺銅鑼灣   我每月一到   咁啱要探媽咪   之後喺度喊話唔識番屋企   最後好似家姐話送我番屋企 ~

發咗咁多夢   所以鬧鐘響都唔係咁想起身   哈哈 ~

同里奧大人出去食早餐   食完就去佢公司坐陣   之後搭車番工喇 ~

菇場忙咗陣啦   仲要係 12 點幾   真係勁驚做唔呀 ~

放工即走   同里奧大人食完午餐就要去義工頒獎禮喇 ~

宮保雞丁幾乎成個套餐都無食過   咁要打包拎番屋企 lu  

我覺得啲辣油唔辣

 

頒獎禮 3 點完畢   又即刻去里奧大人公司幫手   做到 5 點左右就去買嘢   之後再買蛋撻去里奧大人公司   今次只買比阿妹咋   同埋半打有盒   我同里奧大人食個半   其他就阿妹就同個女 Share   哈哈 ~

今晚同里奧大人番崇拜   完畢就即番屋企   咁大家又唔太餓   所以里奧大人話食番今日食剩嘅宮保雞丁飯   咁又好喎   就咁焗真係勁方便 ~

食埋飯就開機洗衫   之後沖涼   今晚好攰   所以唔出去公園行喇 ~

凍貓山王果肉 (400g) - 家姐之前比㗎   雖然急凍嘢   但都好有榴槤味   所以食得好滿足呀

睇陣 Youtube   差唔多 10 點 45 分都瞓覺 lu ~