泰式聖羅勒辣椒醬焗雞翼 + 日式炒麵 + 炸魚皮 (外賣) + 芥蘭 ( 15-JUL-2026 )

 

( 15-JUL-2026  WED )

感恩瞓得都唔錯   今朝轉身正想再瞓嘅時候就鬧鐘響   不過起身嗰下有啲攰呀   我相信如果鬧鐘無響   我應該可以再瞓呢 ~

早餐食 Flakes + 豆漿   前兩日食芝士包太 Heavy   今朝要食清啲   哈哈 ~

菇場唔忙   又做下自己嘢 ~

船頭買咗卡樂B絕品北海道燒帆立貝黑胡椒味蝦條   依家喺公司食零食多過喺屋企呀

Lunch Time 蒸完飯就去買節瓜同蕃薯   最後買埋炸魚皮同雞骨草就番菇場開餐喇 ~

唔忙就做自己嘢啦   所以好快又放工了 ~

放工即走   依家都唔駛問里奧大人幾點放工   因為我預咗佢 7 點番屋企   咁我就多啲時間煮嘢都唔錯   同埋依家唔會咁緊張做機   無得做就算數   咁樣真係唔會令到自己咁趕呢 ~

里奧大人 7 點番到屋企   可以即刻開餐 ~

是日晚餐 - 泰式聖羅勒辣椒醬焗雞翼 + 日式炒麵 + 炸魚皮 (外賣) + 芥蘭

泰式聖羅勒辣椒醬焗雞翼 - 今次好好味呀   又要去入番幾樽喇   哈哈 ~

日式炒麵 - 里奧大人問係啲咩嘢醬汁 ?!   我話係日式炒麵醬   係咪唔鍾意食呀 ?!   咁佢再食多啖   又話啲汁嘅味道有啲怪   麻麻哋呢啲醬汁   之後我叫佢放低唔好食呀   等我試下係咪壞先   我一食就有啲好酸嘅味   以前食過都唔係咁嘅味道喎   因為我自己再加咗另一支炒麵醬   係 7 月到期嘅   個炒麵就係 7 月 26 日先到期   可能壞咗都未定   好在佢食得唔多咋   不過之後上網睇   原來個味道係會有啲酸   等我仲掉咗樽醬添 ~

炸魚皮 (外賣) - 好想食就買啦   難得又經過麵檔 ~

芥蘭 - 依期又鍾意食芥蘭   我覺得錢大媽嘅芥蘭苗係最好食   不過唔係成日見到 ~

洗埋碗抖陣就同里奧大人去做機   今晚只係做 20 分鐘就夠喇 ~

沖埋涼抖陣就熨衫   依家超鍾意 Haaland 呀   因為睇咗段片   覺得佢個人品真係好好   唔會因為身價咁高而唔尊重人 ~

聽完又睇下寶家族   不過睇到 10 點半都瞓覺 lu ~