( 25-MAY-2026 MON ) - PART 2/2
差唔多 1 點 40 分就到酒店 所以真係好鍾意住國貿區 哈哈 ~
今次住番芈白酒店 (沐光大床房 HK$471.98) 因為幾次揀嘅酒店都覺得麻麻哋 ~
酒店周邊都好多食店
第一次見自動駕駛清掃車
芈白酒店
咁先睇到芈白酒店呢 4 個字
酒店係採用感應燈 所以走廊盡頭就好似好暗咁喇
最鍾意房間夠光猛
個雪櫃仲要夠凍
免費提供茶包 / 咖啡 / 2 支樽裝水
電視旁邊係洗手間
我本身都唔記得酒店有小度 係阿妹問我係咪住小度小度呢間 我先醒起咋 所以即刻叫小度開電視 哈哈
洗手間
最鍾意呢個架 可以烘熱啲毛巾 咁樣可以快啲乾呢
洗頭水 / 護髮素 / 淋浴液
景觀
抖到 2 點就搭地鐵去領展中心城 今次主要係去 SANFU 因為里奧大人想睇下啲褲 ~
一定要去強冷車廂
又要影比家姐 哈哈
阿齋叫佢做侯爺 田㬢薇就叫做殺豬女
2 點半就去到領展中心城喇 搭地鐵去會展中心站只係 6 個站 (12 分鐘) 所以都係好方便呢 ~
@ 領展中心城
第一時間係去 SANFU 但兜咗一個大圈都唔見 我明明記得係嗰個位㗎噃 之後里奧大人見到圍住個牌 咁即係執咗啦 我話有啲唔開心呀 因為里奧大人話想去 SANFU 睇褲 我先 Plan 去領展中心城嘛 但反而里奧大人話無咪無囉 又唔係一定要買 哈哈 ~
前 SANFU 位置 將會開小象超市
咁繼續行下啦 我想去瑞幸買橙 C 咖啡 但要 RMB20 呀 原來已經無哂 RMB11.9/杯 不過當時都 3 點半 同埋要等 30 個 咁我都唔等 lu ~
里奧大人叫我影埋殺豬女比家姐睇呀
我覺得自己好似阿花咁周圍打卡
我呢期鍾意孫穎莎
我同里奧大人講話海鹽焦糖圓筒幾好味咁 之後聽到有個女人又話好似幾好味 哈哈
探魚有鴛鴦有機糯米糍粑 如果夜晚想食就去金光華買就可以喇
糟糟好鍾意呢隻公仔
估唔到天使得得 B 會翻生 哈哈
行完就轉去皇庭廣場行下 比我想像中少人喎 咁實在太好喇 我可以試食 哈哈 ~
之前第一次嚟係無呢啲食店 所以無咩人行 但依家就唔係咁講 lu
因為金光華無薜記 所以叫里奧大人買咗豬肉脯先 最感恩係見到有綠豆沙飲料呀 里奧大人頭先話牙肉有啲腫 糖水舖又無綠豆沙 但又唔想飲啤酒 ~
薜記現烤豬肉脯 (RMB98.78) - 里奧大人自己行去買 咁職員比咗 1 包比佢 價錢差唔多要 RMB150 但份量太多喇 我知里奧大人鍾意食 所以我再行去揀咗 1 包份量無咁多嘅
薜記芭樂乾 (RMB24.9) - 我突然又想食 所以就買盒喇
薜記香烤肉粒 (五香味) (RMB21.8) - 第一次見里奧大人好快手咁拎 1 盒 之後佢話之前已經睇咗喺邊度㗎喇 唔怪得見佢咁順手拎啦 哈哈
薜記夾心海苔脆片 (RMB38.47) - 今次試新嘢 味道係甜甜鹹鹹又香香脆脆咁呢
薜記山楂爽爽 (RMB3) - 酸酸哋都幾好飲
薜記綠豆沙飲料 (RMB6) - 估唔到有半杯綠豆渣 其實我鍾意食㗎 不過太飽就食唔落囉
想買煎餅 但依家天氣熱 又無咩新煮意就唔買 lu
薜記鹿角脆 (加購 RMB5.17) 今次買咗 RMB198.12 減 RMB6 (優惠劵) 即係只係比 RMB191.81 (約 HK$223.59)
@ 薜記炒貨
買完又周圍行下 但個場冷氣唔夠 所以行咗個圈就走 lu ~
自魷人個名好搞笑
TOP SOLD 大口獸係近期爆紅嘅零食店
香辣現拌魔芋絲 (RMB7/盒) - 我離遠睇以為係鳳爪呀
又烤蕎麥片 (RMB9/袋) / 咔咚蝦片 (RMB6/袋) - 唔係咁啱我
4 點唔夠就搭地鐵番酒店喇 因為無咗 SANFU 所以多咗時間去按摩呀 ~
我每次都要去強冷車廂 咁班車未到就再行前啲啦 感恩有位坐 仲見到弟兄 JL 兩公婆呀 真係難以想像會喺深圳地鐵車廂見到 仲要佢哋咁啱係去國貿區 ~
我話真係超級有緣啦 唔係無得行 SANFU 都唔會咁早番國貿 之後我搭地鐵又特登行去強冷區 咁啱有位坐但同里奧大人隔開一個位嘅 咁我坐低嘅時候 就見到對面有個男人吖大個口 我即刻望咩事 原來係小組弟兄 JL 兩公婆呀 咁無理由打對面傾偈嘛 我就過去佢嗰邊企喺度同 IT 傾 後尾 IT 都起身 之後一開門 坐喺佢哋隔離啲人落車 我哋坐一連四位呀 超級感恩 咁樣可以一齊傾偈 ~
咁佢哋啱啱做完按摩 之後我話一陣都係去按摩呀 但係睇 Youtuber 介紹咋 佢叫我唔好做會員 我話唔會啦 一陣貪平嗰少少但間店執咗真係得不償失 同埋我又唔係成日嚟深圳 但按完即番香港又好頻樸 所以一定唔會做會員囉 ~
佢哋約咗人 我哋就番酒店放低嘢 其實地鐵站就係酒店對面 但今日真係超級熱 真係唔行都會流汗呀 ~
番到酒店只係 4 點半 嘆咗一陣冷氣先再出去 ~
買咗少少嘢
按摩店都係喺金光華對面 今次主要都係圍繞住酒店附近呢 ~
條油炸鬼都好攰 哈哈
老吳牛肉粿條店 - 無冷氣㗎 所以我話如果想食就要買番酒店食呀
@ 88 號影院足道
足療套餐 (60 分鐘 79 元)
中式按摩 60 分鐘 119元
職員話中式按摩係 RMB129/位 咁無問題啦 反正都嚟到 如果加到 RMB229/位就走㗎喇 哈哈 ~
可能因為係香港假期 所以都多人做按摩 等咗 10 幾分鐘先到我哋呢 ~
坐喺度等都好舒服
免費提供西瓜同哈蜜瓜 係職員拎比我哋嘅
生果係任食
免費提供嘅羅漢果茶
仲有其他飲品
我哋係 3 人房 但其中一張床嘅冷氣滴水 所以一定無人入嚟按啦
我哋差唔多按完就會問要水餃定雲吞 ?! 所以我哋按完一出去就可以食呢 ~
水餃 & 雲吞 蘸醋好好食呀
今次兩個人按摩都係 HK$300 其實都抵呀 好感恩啲師傅手勢唔錯呢 按完就成身鬆哂 下次會再嚟按呀 ~
又去金光華行下 其實行去只係 5 分鐘左右 但都行到出哂汗呀 今日真係好熱好熱 ~
呢架公車好細架 我覺得好得意
依家金光華入夜嘅外牆咁靚嘅
無咁曬但仍然好熱 哈哈
又見到鷹
月亮出來了
行咗半個鐘又到 7 點喇 咁行去遠古燒烤食晚餐 感恩呢間食店冷氣好夠呀 ~
有紙巾供應 但唔記得幾錢一盒
預備開餐
我叫里奧大人張張單放枱邊 佢問點解 ?! 我話上咗嘅菜 佢哋會用手指甲畫一畫 因為好多食店都係咁 哈哈
涼拌海蜇 (RMB24) - 海蜇好爽 個汁又酸酸甜甜有啲辣 同埋有青瓜絲墊底 好解膩呀
遠古藍帶精釀 1 升 (RMB30) - 咁熱一定飲啤酒
職員會將串燒放喺唔熱嘅爐上面 如果一次放 50 串都好震撼 哈哈
胸口油牛肋肉 (微辣) (RMB6.7/串 - 4 串起點) - 好味喎 同埋都有肉汁
碳烤大鮮魷 (微辣) (RMB23.50) - 如果彈牙啲就更好喇
里奧大人坐嘅位置就暗啲
烤湛江生蠔 (微辣) (RMB10.80/隻 - 4 隻起點) - 啲蠔都大隻呀
鮮烤羊肉串 (微辣) (RMB5.7/串 - 4 串起點) - 里奧大人本身同牛肉一齊叫㗎 之後話睇下啲肉烤得好唔好食先 如果烤到好乾就唔叫喇 哈哈
里奧大人見到斜對嘅香港人食蔥油餅 問佢好唔好食 ?! 佢答好食 仲話比 2 塊我哋食 佢哋都食唔哂 不過我哋唔會食啦 哈哈 ~
第 2 Round 烤湛江生蠔 等咗 25 分鐘呀
@ 遠古燒烤
差唔多 8 點 15 分就食完 我要去永輝超市買米呀 ~
頭先間按摩店做優惠 但時間係早上 10 點至 12 點 如果聽朝趕得切就嚟做喇
我又同里奧大人講 我真係好鍾意行金光華 其實無咩嘢好行 但可能次次上深圳玩都開心 所以見到金光華就等如好開心咁 哈哈
原來金光華廣場係 2004 年開業 咁保養真係算好好啦
想買個細喼 不過最後都係覺得太細 好似買嚟無咩意思
去十八里梅買陳皮姜片
里奧大人自己去買嘅 佢話要 RMB30 但職員比咗 RMB47.36 咁佢話無問題 之後個職員用好感激眼神望住佢 哈哈
影相都咁瘦 真人應該係紙板人呢
我同里奧大人講話以為係水怪添 佢語氣好肯定話唔係 講完仲即刻走開 佢真係好唔鍾意呢啲核突嘢 哈哈
每次夜晚去超市係比較多人 可能清貨有優惠 不過我無留意呀 ~
今次主要目的係買五常大米 喺香港買係好貴㗎 ~
十月稻田五常大米 5 Kgs (RMB69.90)
依家鍾意飲花茶
買咗酸棗仁百合茯苓茶 (RMB29.90)
我忍唔住買咗張凌赫做代言嘅刀削麵 但家姐就唔要喇
個比例好怪咁 哈哈
今次我唔會買咁多嘢 除非拎兩個喼 哈哈
買完都即刻番酒店喇 雖然酒店都近 但 5 Kgs 嘅米都重嘛 所以真係辛苦里奧大人了 ~
我哋搭扶手電梯走 依家先望到天花板係咁靚嘅
今次只係買咗呢啲
番到酒店就拎啲衫褲出嚟 我居然無帶到襪呀 咁要即刻洗啦 之後用風筒吹乾再擺喺個架上面烘乾 今次真係太論盡喇 ~
沖埋涼就睇電視 最鍾意係有翡翠台 不過國內啲電視劇都好睇嘅 但可惜今晚就唔係咁啱睇囉 ~
始終睇到翡翠台係有啲親切感嘅 哈哈
今日出咗成身汗有啲攰 所以 10 點半都瞓覺喇 ~
呢日行程完畢 ^^
沒有留言:
發佈留言