尋晚去完廁所 感恩都算快瞓得番呀 ~
早餐食巴馬臣雙重芝士吐司 口感都 Soft 但好少芝士粒囉 可能食開嘉多娜嘅芝士包呀 ~
咁嘅份量就啱啱好食兩餐
我加咗 4 粒芝士一齊焗 之後再拻開去 因為我唔想就咁食白麵包 哈哈
菇場唔忙 可以抖下 ~
Lunch Time 蒸完飯去一田買嘢 買完再行多陣就番菇場開餐 lu ~
赤之帽子曲奇 ($45/盒) - 買比麵包同舞王嘅 因為佢哋特登過幫里奧大人
日匠本物什豆 ($35) - 我番到菇場話買咗呢包零食 船頭話鍾意食呀 咁就好喇
桃哈多牛油醬油味波浪薯脆 ($13/2 包) - 1 包喺菇場食 另 1 包係比家姐嘅 我覺得佢會鍾意食呢個味道 哈哈
唔忙又做自己嘢啦 時間就會過得特別快㗎喇 ~
放工即走 番到屋企都即刻預備晚餐 估唔到里奧大人 6 點 15 分番到屋企 仲要食零食 咁就好喇 之前佢攰到無哂心機咁㗎 ~
西瓜去完中山 有好多龍眼比我哋呀
是日晚餐 - 蕃茄洋蔥雞柳 + 油麥菜苗
蕃茄洋蔥雞柳 - 之前買咗啲車厘茄 再唔食就壞㗎喇 所以就諗到整呢個餸呢 好似好耐無用啦蕃茄煮汁 食落嘅味道真係好食好多㗎 ~
油麥菜苗 - 終於清哂喇 其實 1 斤煮埋真係唔多 不過唔想食就係唔想食 哈哈 ~
洗埋碗就沖涼 今晚覺得冷氣好凍 所以就熨衫喇 搞掂就食麻糬做甜品 ~
里奧大人問點解有得食嘅 ?! 我話食唔切又唔想擺咁耐 所以咪要夜晚食囉
同里奧大人講開雞蛋 佢話就咁雞蛋叉燒炒麵都好食 又話我煮炒麵好食喎 之後問嗰啲麵叫咩麵 ?! 我話蛋炒麵 佢話係個麵叫咩名呀 ?! 我話個麵嘅名稱係蛋炒麵呀 佢以為係雞蛋炒麵叫蛋炒麵 因為尋晚我雞蛋炒飯叫蛋炒飯 哈哈 ~
里奧大人 10 點已經瞓覺 我就 10 點半先瞓覺 ~
沒有留言:
發佈留言