Hungry Korean @ 九龍灣 ( 10-JUL-2026 )

豆腐湯 ($54) - 我一定係食呢個湯鍋   如果自己整到就好了

雞肉鐵板燒 ($64) - 今次賣相好似打完風咁   好在仍然係好味道咋

 

( 10-JUL-2026  FRI )

感恩一覺瞓到 6 點半   雖然醒醒哋   但都一定繼續瞓到鬧鐘響㗎喇 ~

今朝同里奧大人出去食早餐   食完就去佢公司坐陣先番工 ~

家姐 Send 比我睇   無諗過咁早就去 7-11 買雪糕   不過都知佢有折實買㗎喇

家姐真係好搞笑   約佢食餐飯都咁多嘢諗   不過我又真係好少突然咁約佢食飯嘅   哈哈

菇場唔忙   咁家姐要焗腰果   我即刻上網搵食譜比佢啦   之後再比多個比佢   佢話好在我再比多個食譜咋   我聽到佢話浸 7 個鐘   咁我覺得唔會浸咁耐囉   我再睇下寫咩啦   原來 1 字真係好似到 7 字咁呀 ~

阿齋話今日無帶飯   我話有時覺得帶飯真係好好   起碼唔駛諗食咩   佢話唔知食餃子好定擔擔麵好   船頭叫佢拎萬字夾出嚟數囉   單數就餃子   雙數就擔擔麵   阿齋話抽嘅時候唔好睇住啲萬字夾   船頭話睇到都唔知係單定雙啦   哈哈 ~

Lunch Time 蒸完飯就去 Mikki 行下   去完 OP 買 Cream 再去 DAISO 買超激辛七味粉   買完再行多陣就番菇場開餐喇 ~

Elizabeth Arden 顯效複合活膚霜 ($75) - 特登買嚟喺菇場用㗎   依家天氣太熱   雖然搽哂 Cream 同防曬   但塊臉出好多汗囉   咁抹完又好乾   所以番菇場又要再用濕紙巾抹臉再搽 Cream   唔駛塊臉成日立黐黐咁呢

菇場忙呀   差唔多 4 點半先搞掂 ~

阿齋買咗薄荷桃哈多   我哋覺得雪凍真係好食好多呀

依家會放啲零食喺櫃上面   咁等大家都易拎啲

放工去里奧大人公司坐陣先搭車去九龍灣食晚餐   因為我哋要帶小組   所以早啲番去準備 ~

感恩里奧大人今晚都可以出席   佢話其實好攰㗎   如果唔係帶組真係唔番   所以好感謝神嘅保守帶領呢 ~

里奧大人喺帶組嘅過程好順暢   分享嘅時候又好清晰咁講出嚟   姊妹 LW 都話唔似一個好攰嘅人帶組呢 ~

小組有新成員加入   之後講埋佢老婆嘅英文名   我哋問中文名呢 ?!   弟兄 AS 話講咗都未必認到啦   哈哈 ~

10 點鬆啲散會   番到屋企即沖涼喇 ~

弟兄 JY 嘅澳洲手信   話洋金菊會令到瞓覺好啲   同埋無咖啡因   咁啱弟兄 AS 話呢排瞓得唔好   里奧大人叫佢打孖嚟   哈哈

睇下 Youtube   今晚 12 點先瞓 ~