遠古燒烤 + 羋白酒店 ♡ 深圳 DAY 1 ( PART 1/2 ) ( 25-MAY-2026 )

( 25-MAY-2026  MON )

感恩一覺瞓天光呀   瞓到 8 點 20 分都起身 lu ~

沖埋涼就諗住出去食早餐   但又唔知有無開   所以里奧大人話佢出去睇下先   點知真係無開   咁我話買三文治喇 ~

放假食三文治   都食得特別開心㗎   哈哈

食完抖到 9 點半就去搭車   感恩班車係去羅湖   我哋唔駛坐頭等   更感恩係可以一齊坐呀 ~

里奧大人話唔買嘢其實唔帶喼都得   我話唔買嘢都重啦   始終有叉電器又電動牙刷   再加埋睡衣底衫褲毛巾同另一套衫褲   加加埋埋都重囉

估唔到過關無咩人   不過今次又勁樣衰   我 Scan 唔到回鄉卡   所以里奧大人上前睇下咩事搞咁耐啦   原來我 Scan 咗身份証呀   好在里奧大人每次都話一定要喺我後面咋 ~

仲諗住今日假期會多人上深圳   不過里奧大人話連放 3 日可能去遠少少呢   同埋佢唔記得今日係香港假期   如果唔係會揀星期二同三先嚟深圳   但我又無所謂啦   我可以請少一日假嘛 ~

感恩今日唔多人

10 點 40 分就出羅湖

我哋搭 1 個站去國貿站   因為要去酒店放低行李先 ~

我以前鍾意行老街   但去完國貿站之後就唔太鍾意羅湖老街   可能嗰邊太多人喇   依家鍾意啲靜中帶旺嘅地區多啲 ~

酒店係國貿站 E 出口

國貿區真係嚟過好多次   以前即日來回都會過嚟金光華行下   因為里奧大人以前喺深華番工   我話好在嗰時你番工都開心   如果唔係應該唔想再踏足國貿區呢   哈哈

深港青春大道

11 點就到酒店 Check-in   咁當然未咁快可以上房   所以放低完行李   就喺酒店附近行下   睇下有無地方食早餐呢 ~

@ 芈白酒店 (MIENBIAS HOTEL)

里奧大人負責辦理 Check-in 手續

今日房價

我鍾意有 Locker 放行李

如果有時間就會嚟 88 號足道做按摩

呢啲食店   好似係食幾多夾幾多再比錢   因為個場比較焗   如果唔係都想試下

都幾多選擇

同埋乾乾淨淨

最吸引我嘅就係饅頭   里奧大人話估我唔到呀   哈哈

一日三餐   比在家做還划算   雖然都講得啱   但真係唔可以日日咁食   哈哈

行完就即刻去金光華廣場   因為今日好熱呀   好在今次行程都係行商場咋 ~

企喺度等過馬路   都係咁流汗

即刻影比家姐呀   但呢張好似之前比過佢

Bread Talk 嘅鮮芒多多蛋糕 (RMB25.80)   里奧大人話想今晚買番酒店食   不過都要睇下晚餐食得飽唔飽先   哈哈

冰號角都好吸引

每小時新鮮出爐

野人先生啲蛋糕好貴   我離遠睇以為係 22.8 同 32.8 呀   因為唔係好大個咋

今次都係喺混果汁買飲品

獺兔毛葡萄串串掛件 (RMB29.9 約 HK$34.85) - 基本上我依家都會留意啲毛毛公仔嘅   因為里奧大人話 MM 好鍾意   呢個一摸上手   就係我好鍾意嘅兔毛質地   所以里奧大人即刻話買個比 MM 喇   希望佢都鍾意啦   哈哈

RMB129 一定唔會買   我覺得好貴呀

@ 潮品挈尚

見到呢啲糖就忍唔住笑   因為諗起上次買咗五十幾蚊覺得好貴   但又唔比職員幫我"北"   里奧大人就即刻話抵死呀   我覺得佢用抵死呢個字眼好抵死呀   哈哈

今次都想買啲鹹酸濕嘢   所以叫里奧大人試食陳皮姜片   佢話好食   不過要今晚先買呢

攀多漁嘅香酥魚皮只係 RMB23.8   但無得試就唔買 lu

試咗香甜鳳味魚仔   口感唔錯   但香料味太重   我唔係咁鍾意   雖然我都係重口味   哈哈

呢間 Holiland 好利來   初初開張要排一個鐘先買到   依家一個人企喺度買一個鐘都得呀

岩燒乳酪山核桃脆鬆吐司 (RMB16) - 係吸引嘅   但都算貴囉

核桃紅豆丹麥包 (RMB29) / 經典迷你豬扒包 (RMB18) - 都幾好味咁

爆布芝士滕椒雞排包 (RMB18) / 岩燒芝士紅薯包 (RMB15) - 有芝士嘅包係好正但食完又好飽   所以次次都係得個睇字   哈哈

芝士麻糬團 (RMB18) - 都吸引呀

童話夢 (玫瑰芋泥口味) / 星樂夢 (黑森林口味) - 同樣都係 RMB69   我覺得兩款都得意

滿杯芋泥 (RMB22) / CONINI 開心杯 RMB29) / 花朵小熊西點 (RMB29) - 我鍾意呢 3 款

茶香果韵 (RMB28) / 桂香椰芒 (RMB28) - 呢兩款都唔錯

行到 12 點半都要食嘢喇   估唔到都有好多食店要排隊等位   里奧大人話今日唔係大陸假期   呢個係 Office 放飯時間呀 ~

諗住去食麻辣燙   但里奧大人話好熱唔想打邊爐   所以我話去大師兄啦   仲以為唔駛等   但原來都等咗 10 分鐘   哈哈 ~

坐低等位嘅時候   我電話版面突然黑哂同埋顯示 "FASTBOOT"   真係勁驚呀   感恩里奧大人幫我整番好咋 ~

一坐低就叫里奧大人去混果汁買嘢飲   我就負責叫嘢食喇 ~

花魁楊梅蓮霧冰1公升 (RMB33 約 HK$38.43) - 呢杯超級好飲呀   同埋好多果肉

陝西酸湯臊子麵 (迷你小碗) (RMB13.9) - 其實我唔知係咩味道   但里奧大人鍾意食湯麵   同埋我主要係想要細碗嘅   好在里奧大人話好味道咋   因為主要係佢食呢   哈哈

韭菜盒子 (RMB9.9) - 新鮮炸起   我都唔可以即刻入口呀

呢個好味道呀

六婆小酥肉 (RMB16.9) - 里奧大人話估到我一定會叫嚟食   但佢驚熱氣食咗好少咋

呢餐只係 RMB40.70 (約 HK$47.44)   因為我特登留肚食甜品呀 ~

@ 大師兄

食完就行去食甜品   其實喺金光華對面   所以由我帶路   哈哈 ~

入去喇

可以坐喺度等位都唔錯

懷舊裝潢

你好 2026

用唔同嘅食材做擺設

暴富 搞錢

芒芒斑斕撈河 (RMB20) & 多芒小丸子 (RMB20 約 HK$46.58)

好味呀   但如果再凍啲就更加好喇

里奧大人揀斑斕撈河   佢話啲口感好得意   最緊要佢鍾意食就得喇

@ 山小．糖水舖

食完就番酒店 Check-in   其實真係差啲唔記得 Check-in 呢回事   哈哈 ~

今日條街多咗人咁呀

呢日未完㗎 ^^