放工即走喇...一番到去見到深愛嘅朱朱係咁撲係咁撲...真係開心到暈呀...
之後家姐又番埋屋企...真係好開心呢...又有住家飯食...又可以傾下偈...真係不知幾好呀...尋晚有淮山茨實花膠豬骨湯 + 梅菜蒸鯇魚 + 炒菜心 + 甜麵豉蒸排骨 + 花膠炆雞腳排骨 +
叉燒...真係食餸都飽...最嘆係食完唔駛做...仲有生果食...之後一齊睇電視...真係好鬼嘆呀...
雖然唔駛做...但都好鬼攰...所以 10 點 45 分就瞓喇...
今朝雖然 7 點要起身...但都好開心...因為係同媽咪...家姐...深愛嘅朱朱食早餐...講真 7 點幾真係未餓...叫咗個麵餐 (火腿麵 + 炸雞翼 + 熱啡)...好在同媽咪 Share 雞翼...同深愛嘅朱朱 Share 火腿....唔係真係飽到喉嚨呀
之後再番屋企沖涼同坐陣就番工 lu...晏晝帶飯...正呀...
今日好開心...因為里奧大人番香港...唔駛我咁擔心...不過里奧大人就辛苦喇...因為要搭 7
個鐘頭車到深圳...之後打的士去深圳火車站...再搭火車轉巴士先可以番到屋企...坐成 8 個鐘頭車...聽見到辛苦呀...真係心痛死我喇...
沒有留言:
發佈留言