做冬 @ 醉福樓 ( 23-DEC-2008 )

尋日放工即走 lu...因為趕住番屋企食晏同攻打四方城呀

又要等廿分鐘車...真係等到人都顛...次次星期六都係咁...

番到屋企附近就約埋里奧大人同姐夫...兒甥女一齊去餐廳仔食經濟實惠下午茶...我食咗醒胃嘅廈門炒米 + 可樂...$18...再約埋奶奶..大姑奶齊齊上屋企打牌 lu...

由於屋企係用長方型餐枱做麻雀枱...所以里奧大人同姐夫就坐長嗰邊 (高大型專用)...而我同姑奶就坐短嗰邊 (嬌小玲瓏型專用)...好在我坐里奧大人上家...唔係會比佢由頭 "諸" 到尾...今次好開心...因

為食咗一舖小三元...諗住會旺啲啦...點知都要輸 100 大元...仲要係輸比里奧大人添...講開其實里奧大人同我打牌都好慘...因為次次我出沖都會口數..到最後如果里奧大人嬴咗我就唔會比...仲要佢比番我輸嗰啲比我....果里奧大人輸呢...我都係唔會比...因為輸果個係我...我嘅錢即係佢嘅錢...比嚟比去好煩...所以呢...今次里奧大人又要比番 100 大元我喇...話時話...其實我可能有賺添呀...

之後同埋其他姑奶一齊去醉福樓做冬 lu...食家常小菜...20人...埋單 $1,200...抵到爛...但啲食物同服務質數就真係差到不得了...所以我最憎正日做節...

番到屋企真係要認真執嘢喇...因為 26 號朋友上我屋企開枱...唔想失禮人呀...

差唔多 10 點就比自己休息...里奧大人又話想 Relax 喎...所以一齊睇 "變形金剛" DVD...其實至從里奧大人讀 MBA 之後...真係好耐無試過一齊睇 DVD...真係好難得...

睇到 11 點幾突然好眼瞓...所以一齊可睇喇...一齊瞓覺...