肉絲炒麵 + 南瓜紅蘿蔔粟米粟子豬展湯 ( 1-DEC-2012 )

( 1-DEC-2012  SAT )

今朝約咗 8 卦食早餐   本來諗住 8 點起身坐貴小巴   不過 7 點 40 分已經醒咗   唔再瞓喇   早啲起身可以搭 6D   好感恩 8 點 15 分有車 ~   

好在早起身咋   8 點 20 分收到 8 卦電話   佢話已經到咗   佢早到加上佢食嘢咁快   我真係去到坐低   佢都食咁一半 lu   不過我唔理佢   我照慢慢食   真係唔想咁趕囉 ~

阿 Head Off 最爽啦   做完 Urgent 嘢就做私人嘢   其實有嘢做   不過真係無 Mood 呢 ~

放工即走   去完超市買煲湯料   再殺入超市掃貨   好在依家手袋長備一大一細環保袋   咁買多啲嘢都唔驚   係最驚重咋 ~

番到屋企已經 2 點幾喇   所以同里奧大人出去食 Tea 喇   佢想食鐵板牛肉炒飯   咁我去 Italian Tomato 買 Blueberry Cheese Cake 食   之前買仲係 $29   依家 $34   我覺得好貴呀   食完再去超市買嘢就走喇 ~

$4.5/件 @ Piago   超抵呀   本來想買 10 件   後尾里奧大人話不如買一盒好過喎   平平哋用嚟焗曲奇都唔錯

依家去商場真係令人好振奮   因為好多 X'mas Gift Set   真係平過平時好多   不過太多人又唔想同人迫囉   番到屋企煲好湯就熨兩機衫   係咁熨係咁熨   好快就熨到兩機咁樣   之後抖下就煮飯喇 ~

是日懶餐 - 肉絲炒麵 + 南瓜紅蘿蔔粟米粟子豬展湯

肉絲炒麵 - 唔想浪費湯渣   所以用豬展煲湯   豬展切絲用嚟炒麵   今次用蝦子麵   里奧大人話蛋麵好食啲   不過唔理喇   想清哂啲蝦子麵呀 ~

南瓜紅蘿蔔粟米粟子豬展湯 - 今次材料有半個南瓜 + 2 條大紅蘿蔔 + 3 條細超甜粟米 + 大半磅栗子 + $30 豬展   好在今次無失手   好開心呀   里奧大人仲飲咗 2 碗   真係好難得   因為佢成日話飲湯好飽 ~

搞掂哂所有嘢就整旅行資料   差唔多 11 點半先瞓呀   夜晚對住電腦真係好辛苦   對眼特別攰咁㗎 ~