泰開心買買買周圍逛 @ 泰國.曼谷 DAY 1 (PART 1/2) ( 8-DEC-2012 )

( 8-DEC-2012  SAT )

今朝 5 點起身   再 Double Check 哂啲嘢就沖涼喇   6 點準時打的去機場呢    一坐入的士就開始落雨   之後好大   去到機場就無雨喇   感恩 ~

機場都好有聖誕 Feel 呀   好開心

Orient Thai Check-in 都好快   搞掂就去食早餐 lu   其實唔餓   但唔知點解好不其然會每人叫一份早餐囉   飽到我呢   下次一人 Share 一份早餐算喇 ~

2 個大喼   其中 1 個入面係裝咗個細喼嘅


都有唔少人 Check-in

平時喺美心食早餐又唔會咁大份

里奧大人話去旅行先食糯米雞咋喎   連家姐都估到佢食糯米雞   唔通真係次次都食 ?!

8:15am 起飛   里奧大人同事話 Orient Thai 都 OK   點知係有電視但無得睇   最慘係無得開燈   我想睇天書   不過睇睇下想作嘔   同埋對眼好鬼攰   所以迫住瞓覺   反正都眼瞓   抖足精神去泰國仲好 ~

OX 203   其實好想搭 CX   不過時間唔啱   所以揀 OX


個天仲係灰灰暗

連最基本嘅到埗時間都無得睇   咁不如唔好裝啦   唔好比人有期望嘛

今次機位係 343   我哋坐中間   隔離對夫婦講嘢都幾大聲   仲玩埋啤牌   我想瞓覺嘛   咁唯有聽 MP3 啦   食完飛機餐再瞓   正想瞓之際   里奧大人同我隔離個女人講   叫佢動作細啲   比佢郁醒咗幾次   隔山打牛勁呀   但我又 Feel 唔到喎   我問里奧大人係咪我郁   佢話唔係   咁又係   全程我都挨住瞓   咁鬼攰   都無咩力郁呀 ~

布甸好好食  因為有好多椰果

10:10am (泰國時間) 到埗喇   超振奮   其實好多年前都同里奧大人跟團去泰國曼谷   不過今次係第一次自由行   最勁係我 Plan 㗎   不過好簡單嘅啫   順住 BTS 方向咁去   應該唔會有問題囉 ~



去到機場有三件事必須要記得做   第一件事係將行李喼解體   將細喼拎番出嚟擺啲褸呀   第二件事就係唱錢   機場入面嘅兌換率係 1:3.650   不過兌換率點唔好都要兌換啦   因為我哋要買電話卡同打的去酒店   所以兌換咗 HK$500 (1,840Baht)   其實可以兌換少啲   不過費事煩   到時如果去到搵唔到 Super Rich 而又肚餓就麻煩啦   有錢係手安全啲 ~

2 大 1 細喼

寫到明 Airport 入面間間嘅 Rate 都係一樣呢

第三件事係買電話卡   天書介紹咗 Dtac   都估到呢間最平   勁多人排隊呀   299 Baht 一星期 3G 無限上網   可以同家姐 Whatsapp 就最好   有咩買可以即時話我知嘛 ~

Dtac - 好多人排隊買卡

12 點半去到的士站   啲的士司機係排住隊   再等人安排佢開車   我哋係阿伯伯開車   所以好慢   見到隔離車過車   好想叫佢快啲   差唔多 1 點 10 分先到酒店   車費係 350 Baht ~ 

呢架的士車尾箱就夠大喇   但坐位都係比較殘舊

一出機場見到唔少呢啲金像   不過之後又唔見 lu

馬路會有人兜售啲唔知咩 


是日行程 - Marriott Executive Apartments Sukhumvit Park (Hotel) --> Platium Shopping Mall --> 水門街雞飯 --> Beauty Buffet --> Hotel 

今次住 Marriott Executive Apartments Sukhumvit Park   本來想住 Terminal 21   不過無得 Book   所以住呢間   睇佢哋嘅 Website 都唔錯呢 ~

酒店正門   我一見到已經好鍾意   因為我鍾意紅色

Check-in 都快   最緊要講流利英語   所以第一印象都唔錯   同埋大堂都光猛   今次加錢住 Suite 真係覺得值得呀   一入到去已經覺得好舒服呀 ~

襯間房未亂就即影相喇   之後坐酒店嘅 Tuk Tuk 去 Phrom Phong BTS 站    其實行都得   一出酒店向左望都見到   摩打腳行 5 分鐘應該會到   我 d 圓咕碌又怕熱嘅就應該要 15 分鐘喇   所以唔嘥時間喇 ~

都好開揚呀   唔係一開窗簾就見到對面係酒店呢

廳

床褥太淋喇   唔係太慣

洗手間有浴缸同企缸

隻杯好靚   不過太大隻好難揸得哂   我覺得濕咗水好易跣手   即係好易打爛

Open Kitchen

大焗爐


酒店提供嘅免費 Tuk Tuk 去到 Emporium Suite (即 Phrom Phong BTS 站隔離)   紅色車身白色頂   我最鍾意啦



Emporium 隔離就係 Phrom Phong BTS 站喇

呢日未完㗎 ^^