星洲炒米 + 川貝雪梨茶 ( 2-DEC-2012 )

( 2-DEC-2012   SUN )

今日同里奧大人 9 點都起咗身   所以梳洗之後就出去食早餐 lu ~  

難得咁早   所以去金姆指食早餐   里奧大人話出前一丁唔錯喎   同埋咁早應該無咩人   可以慢慢食呢 ~

蒜蓉雜菌 / 沙爹牛肉 / 芝士腸出前一丁

沙爹牛肉 / 煎蛋 / 腸仔出前一丁

食完就番屋企   抖陣就沖涼   之後番教會喇   今日媚媚有嚟   散會就約埋菜菜仔喺北角食嘢   不過佢有嘢做   所以轉場去上環等佢   去 Suzuki Cafe 食嘢   2 點等到 3 點半   真係好在一路食一路傾一路等咋 ~

松露巴馬火腿溫泉蛋忌廉汁意粉 / 龍蝦汁海鮮飯鍋 / 蒲燒鰻魚紅豆飯丼  / 鐵板牛油餃子 / 綠茶雪芳蛋糕 / 忌廉蜆肉湯 / 凍焦糖鮮奶咖啡 / Cafe Mocha

差唔多 4 點幾走喇   最後都無去北角   因為里奧大人仲有公司嘢未做呢 ~  

番到屋企   里奧大人就瞓陣再衝刺   我就煲川貝雪梨茶同預備晚餐喇 ~ 

唔想夜晚成日去廁所   所以 6 點幾飲咗碗湯先   里奧大人話飲完飽咗要 8 點先食飯 ~

是日懶餐 - 星洲炒米 + 川貝雪梨茶

星洲炒米 - 勁想整好耐啦   太耐無整米粉   居然煮熟再炒   其實應該姅凍水浸軟家嘛   瀲氣   今次材料有 $2 韭王 + $20 叉燒 + $20 蝦 + 2 塊火腿  + 大半包米粉   我落咗咖哩粉同利川咖哩醬   本來想加指天椒   不過驚里奧大人話辣   點知佢話無味 ~

川貝雪梨茶 - 上次食完蒜頭真係好啲喎   無哂鼻水   但仲有啲咳   所以煲啲川貝飲下   唔想睇醫生呀 ~