泰開心買買買周圍逛 @ 泰國.曼谷 DAY 2 (PART 1/2) ( 9-DEC-2012 )

( 9-DEC-2012  SUN )

是日行程 - Hotel 早餐 --> JJ Market ( Chatuchak ) --> 腳底按摩 @ JJ Mall --> Food Court @ Siam Paragon --> Boots @ Emporium --> Hotel

今朝 9 點起身   梳洗之後就去食早餐   都唔少人噃   不過最正係全部都係外國人同日本人   香港人都唔見有添呀   可能因為呢間係 Apartment 形式啦 ~



Lobby

Coffee or Tea - 我當然要 Coffee 啦   好香咖啡味   好飲呀
 

我嘅早餐 - 樣樣試少少   好味再攞過   哈哈


煙肉脆卜卜好好味呀

魚蛋米 - 我超愛泰國魚蛋米
 

乳酪 - 我好少喺香港以外地方飲乳酪   因為驚搞肚痛   不過又想試下呢枝乳酪   估唔到好好飲呀   唔 "鞋" 口   正呀


里奧大人嘅早餐 - 都係樣樣試啲咁啦

鮮奶 + 生果蓉 + 粟米片 - 平時又唔見食得咁健康

蛋糕 - 朝早我唔會食呢啲

火龍果 / 柚子 - 夜晚無生果食   唯有改朝早食啦   變咗唔駛錢可以有生果食
 

西瓜 - 甜又多汁   但多核呢   食完兩件之後   個口都好攰下

Window Seat

食完番上去沖涼   睇埋行程就出發喇   今次打的去 Chatuchak   車費 200 Baht   去到差唔多 12 點   司機喺 JJ Mall 門口前少少車   之後話行前少少就係 JJ Market   其實我唔知喺邊   里奧大人又係咪咁問我係咪呢度係咪呢度   我鬼知咩   知我就唔帶天書啦 ~



不過咁都好   JJ Mall 出面都好多嘢睇   之後再去埋 JJ Mall 入面嘅廁所   就正式去 JJ Market 喇 ~

風水陣


個錢箱寫住係因為小朋友要錢讀書   所以里奧大人都入咗錢幫下佢呢



佢肥嘟嘟幾可愛嘅   特別係個肚腩仔   不過佢檸下檸下個頭咁行埋嚟嘅時候   我有啲驚驚哋即 Dun 後呀

買埋杯柑桔蜜就去 JJ Market 喇


睇天書同 Blog 都話第一件事係拎 Map   真係好大呀   見到有椰子雪糕   所以買杯嚟食先   之後我哋由 Sention 1 開始行   估唔到入面有冷氣喎   應該係啲舖頭自己裝咗冷氣   咁樣舒服好多呢 ~





殺入去喇


椰子雪糕 30 Baht - 熱呀   食杯雪糕降降溫先



2 杯椰子水

食完再行


室內 - 有櫈坐   同埋會有啲小食飲品喺度賣呢

真係如 Blogger 所講   Platium Shopping Mall 真係平過 JJ Market   尋日喺 Platium 買咗嘅   點知喺呢度見到嘅仲貴   咁實唔會買啦   咁樣仲好   唔駛買咁多嘢   哈哈 ~

差唔多 1 點   我哋求其去咗間多人食嘅檔口食嘢   又無 Menu   真係唔知食咩嘛   隔離個新加坡男仔見我地唔識叫   就叫我哋指住佢個碗話 Same Same 得㗎喇   之後再睇番佢哋個牌   原來係獨沽一味係食 Chicken Noodle   不過真係幾好味喎   本來一碗 Share   最後我都要食一碗呢   因為想飲啲湯呀 ~

里奧大人嘅 Chicken Noodle   好似 60 Baht - 匙更前面有辣醬   好好味
我要 Chicken Rice Rice Noodle - 無咗辣醬當堂失色哂   唔明點解會無咗囉   所以叫里奧大人快快食   因為我要佢碗湯底呀

唔少得嘅冰凍可樂   但次次飲半支已經好脹胃呢


食飽喇   又周圍行下   一望睇下去到邊個 Sention   原來已經 Section 5   雖則有 Map   但入面好似無寫係第幾個 Section 囉   其實可能有   我睇唔到 ~

我想去 Section 4 買香薰嘛   所以番入去再睇   其實無人主張番兜   因為實在太大   根本認唔到邊到打邊度   就係咁   所以同里奧大人講   搵唔到就算   無咩所謂   但估唔到行下行下   真係唔知行咗邊   反而買到 Tee 同裙呀   之後仲買到香薰   實在太感恩啦 ~



呢日未完㗎 ^^