終於上到去啦 不過原來都無咩嘢睇嘅 但唔上嚟又唔知係咁嘅 哈哈 ~
因為霞女佢哋上咗去先 咁我哋後尾先上到去 所以聽唔到佢講解囉 但記得佢話唔知邊度望到深圳 邊到望到澳門咁囉
周圍影下咁
夠哂原始
贏咗都唔會拎啦 咁大份
我個人認為人多先唔好上山 唔係實會比人推落山囉 上山嚴禁携帶火種 但食煙就無人理
行咗一陣就落番去喇
吊吊 Fing
里奧大人話以為我着拖鞋 (因為我本身有對大頭拖鞋) 佢仲覺得我好勇呀 伸隻腳出嚟影 唔驚跌對鞋落去喎
吊索係咁㗎咋 完全比唔到安全嘅感覺
3 點 15 分上車 再去圓明新園 ~
行下影下囉 其實無咩好行 因為係仿照 又唔係真嘅 所以都無咩影相 之後睇人哋玩機動遊戲 勁無聊呀 哈哈 但又睇到我覺得好刺激喎 因為我唔敢玩呢 ~
我最開心係見到里奧大人周圍影相呢
唔係唔影左邊前腳 係因為隻腳隔離有個桔皮 好心啲人食完就掉落垃圾桶啦
靚
在水中央
我一見到就話好驚呀 成個人樣咁 老實講 我見親啲樹就諗起以前細個見到鬼 都唔知算唔算係鬼啦 喺我哋細個嘅時候 每個星期六都會去婆婆屋企食晚飯 之後就坐小巴番屋企 次次都會經過一棵樹 而我次次都會見到類似公仔嘅樣 喺度猛咁點頭 同埋係咁笑 不過家姐同媽咪見唔到㗎 妳話係咪驚吖
行行行
表演場地 我好鍾意睇古代啲地方㗎
食街 我見到有得食就開心 哈哈 唔食都會睇下
睇下我幾勁 揼幾揼就扁哂 哈哈
之後舖平 成條毛巾咁大
再捲捲捲
搞掂
呢度 RMB28 超大包 不過唔夠沙糖 所以齋食唔好食
勁想試 不過又有啲驚 哈哈
好多人
用糖漿畫畫
想買烤包食 不過無人買嚟食 所以又唔敢買 哈哈
5 點半到酒樓食早飯 今餐我真係唔太餓喇 可能頭先食咗糯米糍啦 ~
叠泉山莊 里奧大人話叠水好啲 我都想 哈哈
好多乳豬
蒙古包 ?!
都幾有 Feel 喎
我哋坐呢度
呢餐美食係 "和味橫琴蠔皇宴"
蓮藕湯好味呀 希望唔係一滴香啦 哈哈
酥炸生蠔
薑蔥生蠔
芝士焗生蠔
白切雞 個豉油好好味
蒸茄子
小炒皇 ?!
又係呢碟蝦
上湯浸白菜仔
炒河粉
蒸魚 今次呢條好大條 不過最尾先上菜 所以都無咩人食 lu
7 點到酒店 又話五星級 真係唔掂囉 好在我都唔會期望 哈哈 ~
同電視機距離好遠呀
所以要坐梳化仔睇電視 又凍喎 如果喺床睇就最好啦 暖笠笠嘛
我搵風筒嘛 開哂所有櫃桶都無 咁去廁所搵啦 咁我拎嚟睇係咩 因為我以為係吸塵機 哈哈 之後佢有風出 就知係風筒 啲風力細到呢 如果長頭髮又厚 吹個半鐘走唔甩 咁都好嘅 順便考驗下自己耐性 哈哈
我哋又唔會出去行 好在呢間酒店嘅電視有 HDMI 頭 咁我哋可以睇錄影咗嘅電視劇 不過睇到 11 點幾都瞓 lu ~
呢日行程完畢 ^^
沒有留言:
發佈留言