食食食 ♡ 番禺長隆景區 + 珠海 + 澳門美食純玩 3 天團 DAY 1 (PART 2/2) ( 3-FEB-2014 年初四 )

( 3-FEB-2014  MON ) - PART 2/2 

又無得坐車睇動物   咁又有大把時間   咁就去睇老虎   順便睇埋白老虎表演啦   因為 4 點有得睇嘛   哈哈 ~

識望鏡頭噃   同埋個身肥嘟嘟   好想拻下佢呀   哈哈

好溫馨呀

白雪雪真係好靚   呢隻好似瘦咗啲咁

頭大身細   好搞笑

妳有妳影   佢有佢瞓

另一邊就有人拋啲肉比哋地食   不過隻白老虎好懶   成日唔郁

爭食呀   白老虎吼咗一聲   勁響亮呀   心都寒埋

以為無咩人睇白老虎表演添

未開 Show 之前   啲人會落去同老虎近距離影相

做完一個動作   馴獸師就會餵嚿肉比佢食   有一 Part 係馴獸師咬住嚿肉餵比獅子食   我唔覺得驚險   只係覺得好嘔心   生肉嚟㗎   點擺得入口㗎   真係搵食艱難

過場時就有小丑出嚟搞下氣氛咁啦   好在我哋坐得高   同埋又無掟嚟呢邊   唔係啲人發顛都似   坐我哋後面嘅女仔   7-8 歲左右啦   對腳係咁踢我哋張櫈   我望佢一次佢又係踢   之後停咗無耐就踢得仲勁   我即向後啤住佢  對住佢 "Hey" 咗一聲   之後無再踢   不過我應該睇睇下老虎時瞓咗   半夢半醒有人打我個頭囉   我一望就見到係後面個女仔向前走   幾鬼衰呀佢

到老虎出場喇

大合演   我就咁見到都嚇到腳仔軟   哈哈


全部立正   勁呀

睇完行陣又嚟料   所以又食支雪條   呢枝 RMB8 咋   食完嗰刻真係舒服好多   不過之後個頭都一樣痛 ~

抖咗陣就出番去喇   不過我想再睇多次獴仔呀   所以睇少咗好多動物   哈哈 ~

龍貓   個樣好似好唔開心咁嘅

獴仔   再見喇   應該唔會再嚟探妳地㗱喇

里奧大人係都要我帶住頂住嚟影相   叫咗幾次   比佢影完之後就無再嘈   襯我病攞我命定啦

5 點 15 分就出發去酒樓   我要問團友借 Panadol 呀   最邪係今次里奧大人拎嘅平安藥   居然無帶頭痛 Panadol   如果唔係就唔駛問人借呢   我見到隔離枱嘅團友都要食 Panadol 呀   團友話長隆真係好焗囉 ~

呢餐美食係 "至尊佛跳牆風味宴"

燉雞湯 - 好味   因為夠熱   哈哈

勝瓜炒蝦

咖哩排骨

白切雞 - 都知道每餐都有雞㗎喇   所以今餐都照食 lu

炒椰菜

炒河粉

燒鴨定鵝呢

蒸魚

食完飯就番酒店   差唔多 7 點就到   都好快呢 ~

大堂都幾 Grand

我好鍾意呢個掛飾

大堂另一邊

上房喇   都好有特色喎

我哋住 7 樓

大陸酒店嚟講   呢間真係算五星級   唔係自己比五星級嗰啲呀   間房都好乾淨

仲有屈臣氏礦泉水

估唔到有得焗桑拿   如果唔係攰   我都想焗下呀   瘦 1 磅都好   哈哈

之後食下零食睇下電視   估唔到佢哋播啲電影都好新   有 "風暴"   不過我睇下瞓下咁囉 ~

經過上次韶關一役   我話去大陸一定要帶零食   呢度係兩晚嘅零食

其實我 8 點開始已經瞓下醒下    里奧大人就自己睇   睇到 9 點佢都話要瞓喇   因為今日真係超級勁攰呢 ~

呢日行程完畢 ^^