食食食 ♡ 番禺長隆景區 + 珠海 + 澳門美食純玩 3 天團 DAY 3 (PART 2/2) ( 5-FEB-2014 年初六 )

( 5-FEB-2014  WED ) - PART 2/2

我見到有豬扒包嘅招牌   所以就沿住佢嘅指示行喇  ~

豬扒包套餐 (MOP38)

我食包嘅時候   里奧大人就周圍影   唔幫我食個包 

到我影喇   玩咗好耐   因為唔係時時都有車   哈哈

每層嘅露台都唔同   都幾特別   我好少見到咁樣呢

即時諗起三角朱古力   哈哈

向下望   啲屋都係無規劃咁噃

想落去睇下啲屋係點   不過無咩時間

其實我覺得樓與樓之間都幾密   不過每棟都係幾層高   所以唔覺有壓迫感呢

盡頭喇

天主教聖安多尼堂   對出有個小型噴水池   里奧大人話記得同我嚟過呢度   不過係好耐之前 lu   所以真係無咩印象呢

斜路嚟㗎

影張相留念   哈哈

咁嘅鐵閘都好難見到 lu

又再影過   好玩呀

唔知有無人幫襯嘅呢 ?!

一路行一路影真係有啲攰   所以諗住坐巴士去番新馬路   咁其實只係坐 1 個站   不過我哋又唔知行得啱唔啱方向   所以都想搭巴士   咁我上車問司機呢架車係咪會到新馬路   司機都未開口講   有 3 個乘客叫我唔好搭   因為得 1 個站   唔好嘥錢   話行路快過坐車喎   因為依家有啲塞車   哈哈   就係咁   我又落番車   行番去新馬路啦 ~

行下行下   都行到去媽閣方向

場無處不在

好得意呀   地下畫咗條鯊魚   代表呢間舖係賣魚翅

代表賣海味

間餐廳已經無咗㗎喇   但招牌又唔拆   我發覺好多都係咁呢

大押嘅地方都好靚喎

番到嚟新馬路附近喇

好舊式好舊式嘅酒家

行到 5 點半   對腳開始覺得唔係自己咁   所以要去坐下   哈哈 ~

呢間餐廳只有奶油多  花生醬多嘅單拚多士   但就無奶醬多呢啲雙拚多士   我信佢哋唔知雙拚係咩嚟   所以最後都係分開搽   哈哈

今日要加 15% 服務費

無咩人㗎   因為唔係遊客區呢   所以好靜好舒服

買咗啲手信比自己

見到呢棟建築物   我想喺條走廊跑步   轉下彎無咁悶嘛   哈哈

再入啲更加靜呢

街道名好得意

我唔想太遲食飯   因為驚無位   所以 6 點半到餐廳   食到 8 點就走喇   因為里奧大人唔可以食飽坐船   所以又去番大三巴附近影下相呢 ~

鮮果蝦沙律 MOP100 - 我鍾意沙律醬撈埋落啲生果度囉

牌坊燒豬肋骨 MOP158

靚就靚   不過上重下輕呢   所以拎到好攰

依家幾鍾意油畫   我 Load 相嘅時候   以為右下角係生日蛋糕添   原來係噴水池   哈哈

夜晚仲靚呀   同埋無咁多人

Bossini 都好有特色

SK-II 好古色古香呀

又到大三巴 lu

無咁多人喇

阿姐仲不停咁剪啲肉乾比人試食

打的去碼頭   仲以為係去尖沙咀落船添   原來係去港澳碼頭 ~

9 點半準時開船啦   啲職員完全唔掂   我哋一上船就叫我哋直行   去到盡都係 18 之嘛   都唔見 26   之後我問番啲職員   佢哋話樓上   咁我上去先   好耐唔見里奧大人   原來個喼唔可以上嚟   咁即係唔可以擺喺自己個位隔離   咁點解我哋上船唔一早講呢 ~

差唔多 10 點半到碼頭   搭地鐵番屋企   番到屋企就 11 點半   沖埋涼   抖多陣就瞓喇 ~